پنجاب کے ضلع منڈی بہاالدین میں انسانیت سوز واقعہ پیش آیا، جہاں بااثر مسلح افراد نے مزدور کی بیوی اور بہن کو اغوا کیا، اور ایک خاتون کو اجتماعی زیادتی کا نشانہ بنایا گیا۔ پولیس نے بروقت کارروائی کرتے ہوئے تین مرکزی ملزمان کو گرفتار کرلیا۔
میدیا رپورٹس کے مطابق یہ افسوسناک واقعہ تھانہ پھالیہ کی حدود میں مانو چک پل کے قریب پیش آیا، جہاں ملزمان نے دونوں خواتین کو اسلحے کے زور پر اغوا کیا اور انہیں گاڑی میں بٹھا کر پنڈی کالو کے نزدیک ایک زیر تعمیر کوٹھی میں لے گئے۔متاثرہ خاتون کو وہاں باری باری زیادتی کا نشانہ بنایا گیا۔واقعہ کی اطلاع پر ڈسٹرکٹ پولیس آفیسر (ڈی پی او) وسیم ریاض خان نے فوری ایکشن لیتے ہوئے ملزمان کی گرفتاری کا حکم دیا، جس پر تھانہ پھالیہ پولیس نے فوری کارروائی کرتے ہوئے تین مرکزی ملزمان کو حراست میں لے لیا۔
متاثرہ خاتون کے شوہر جواد الحسن کی مدعیت میں مقدمہ نمبر 595/25 درج کیا گیا، جس میں تعزیراتِ پاکستان کی دفعات 367 (اغوا) اور 375 (جنسی زیادتی) شامل کی گئیں۔ایف آئی آر میں علی حسن ولد عمر حیات، دلاور شہزاد ولد شبیر احمد، اور ساجد علی ولد محمد مہندی کو نامزد کیا گیا ہے، جبکہ ایک ملزم ملک فرحان کی گرفتاری کے لیے چھاپے مارے جا رہے ہیں۔
ڈی پی او نے اس واقعے کو انتہائی سنگین اور قابل مذمت قرار دیتے ہوئے ملزمان کو قانون کے مطابق سخت سزا دلوانے کا عزم ظاہر کیا ہے۔
عیدالاضحیٰ پر 69 لاکھ 77 ہزار جانور قربان، فروخت اور قیمتوں میں کمی
بلاول بھٹو زرداری کا سندھ طاس معاہدے کی بحالی اور پاک بھارت جامع مذاکرات پر زور
ہیوسٹن میں بھارتی سفارت خانے کے سامنےاحتجاج، خالصتان اور کشمیر کی آزادی کے نعرے
ثنا میر آئی سی سی ہال آف فیم میں شامل ہونے والی پہلی پاکستانی خاتون کرکٹر بن گئیں