بجٹ میں تنخواہ کی تمام سلیبز پر انکم ٹیکس کی شرح میں کمی کی تجویز

تنخواہ دارطبقے کیلئے اچھی خبر،بجٹ میں تنخواہ کی تمام سلیبز پر انکم ٹیکس کی شرح میں کمی کی تجویز ہے-

ذرائع کےمطابق انکم ٹیکس ایکٹ کی شق 129 میں ترمیم زیر غورہے، سالانہ ٹیکس فری آمدن کی حد 6 لاکھ سے بڑھائی جا سکتی ہے، ماہانہ 83 ہزار روپے تنخواہ تک ٹیکس فری کرنے کی تجویز،ایک لاکھ روپے ماہانہ تنخواہ پر ٹیکس 5 فیصد سے کم ہو کر 2.5 فیصد ہونے کا امکان ہے-

ایک لاکھ 83 ہزار روپے تنخواہ پر انکم ٹیکس 15 سے کم ہوکر 12.5 فیصد کرنے کی تجویز، دو لاکھ 67 ہزار ماہانہ تنخواہ پر انکم ٹیکس 25 کے بجائے 22.5 فیصد ہو سکتا ہے، ذرائع کےمطابق تین لاکھ 33 ہزار روپے تک تنخواہ پر ٹیکس 30 کے بجائے 27.5 فیصد ہو سکتا ہے،تین لاکھ 33 ہزار سے زائد تنخواہ پر ٹیکس 32.5 فیصد ہو سکتا ہے،اس پرحتمی فیصلہ وفاقی حکومت کرے گی–