امریکی صدر ڈونلڈ ٹرمپ نے ایک نئی ویب سائٹ TrumpCard.gov کا افتتاح کر دیا ہے، جس کے ذریعے غیر ملکی شہری 5 ملین ڈالر کے بدلے امریکا کی مستقل شہریت کے لیے ’گولڈن ویزہ‘ حاصل کرنے کی درخواست جمع کرا سکتے ہیں۔
بین الاقوامی خبررساں ادارے اے ایف پی کے مطابق ٹرمپ نے سوشل میڈیا پلیٹ فارم ’ٹروتھ‘ پر کہا کہ ہزاروں افراد ان سے پوچھ رہے تھے کہ وہ امریکا جیسے عظیم ملک تک کس طرح رسائی حاصل کر سکتے ہیں۔’گولڈن کارڈ‘ نامی اس منصوبے کی تفصیلات سب سے پہلے اپریل میں ٹرمپ نے اپنے جہاز ’ایئرفورس ون‘ میں دی تھیں۔ کارڈ سنہری رنگ کا ہوگا اور اس پر ٹرمپ کی تصویر بھی نمایاں ہوگی۔
اگرچہ اس پروگرام کے تحت ویزے جاری ہونا ابھی باقی ہیں، لیکن آن لائن درخواستوں کی وصولی کا سلسلہ باضابطہ طور پر شروع ہو گیا ہے۔ دلچسپی رکھنے والے افراد ویب سائٹ پر اپنا نام، ای میل اور دیگر تفصیلات فراہم کرکے رجسٹریشن کرا سکتے ہیں۔ٹرمپ نے دعویٰ کیا ہے کہ ان کی انتظامیہ ایک لاکھ تک ’گولڈن کارڈز‘ فروخت کرنے کا ارادہ رکھتی ہے، اور روسی اولیگارچز جیسے بااثر افراد کو بھی ممکنہ طور پر اس اسکیم میں شامل کیا جا سکتا ہے۔
اس پیشکش کا اعلان ایک ایسے وقت میں سامنے آیا ہے جب امریکا میں امیگریشن قوانین پر سختی جاری ہے اور ٹرمپ انتظامیہ کو بنیادی حقوق کی مبینہ خلاف ورزیوں پر تنقید کا سامنا ہے۔
ملکی زرمبادلہ ذخائر میں 27.73 کروڑ ڈالر کا اضافہ
اظہر محمود کو ریڈ بال ٹیم کا ہیڈ کوچ بنانے کی تجویز زیر غور
خضدار میں فائرنگ، جے یو آئی (ف) کے رہنما سردارزادہ میر کامران جتک جاں بحق
اسحٰق ڈار سے امریکی ناظم الامور کی ملاقات، باہمی تعاون بڑھانے پر اتفاق
اسحٰق ڈار سے امریکی ناظم الامور کی ملاقات، باہمی تعاون بڑھانے پر اتفاق