اوکاڑہ (نامہ نگار ملک ظفر) کہنہ مشق صحافی، کالم نگار، شاعر، ادیب اور اینکر پرسن احتشام جمیل شامی کو انٹرنیشنل یونین آف رائٹرز کی جانب سے ضلع اوکاڑہ کا صدر منتخب کر لیا گیا۔ ان کی اس تقرری پر ادبی اور صحافتی حلقوں کی جانب سے مبارکباد کا سلسلہ جاری ہے۔
یونین کے بانی و چیئرمین زبیر احمد انصاری، مرکزی صدر ثمینہ طاہر بٹ، جنرل سیکرٹری طاہر درانی، نائب صدور سعدیہ ہما شیخ، نمرہ ملک، امین رضا مغل، صدر لاہور میل ونگ زوہیب رمضان بھٹی، صدر لاہور ویمن ونگ نبیلہ اکبر سمیت دیگر مرکزی و علاقائی عہدیداران نے احتشام جمیل شامی کو مبارکباد پیش کی اور امید ظاہر کی کہ ان کی قیادت میں ضلع اوکاڑہ میں ادبی سرگرمیوں کو مزید فروغ ملے گا۔
رہنماؤں کا کہنا ہے کہ احتشام جمیل شامی ایک باصلاحیت، مخلص اور نڈر صحافی ہیں جن کی صحافتی خدمات کا دائرہ کار دو دہائیوں سے زائد عرصے پر محیط ہے۔ ان کی شمولیت سے نہ صرف یونین کی فعالیت میں اضافہ ہوگا بلکہ نئے لکھاریوں اور نوجوان صحافیوں کو ان سے رہنمائی کا موقع بھی میسر آئے گا۔
اوکاڑہ میں ادبی اور صحافتی ترقی کے اس نئے باب کے آغاز پر یونین کے ممبران نے نیک خواہشات کا اظہار کیا اور دعا کی کہ احتشام جمیل شامی کو اللہ تعالیٰ مزید کامیابیوں اور عزت سے نوازے۔
