اوچ شریف (باغی ٹی وی، نامہ نگار حبیب خان)پی پی 250 سے رکنِ پنجاب اسمبلی مخدوم سید عامر علی شاہ نے گورنر پنجاب سردار سلیم حیدر خان سے گورنر ہاؤس لاہور میں اہم ملاقات کی۔ ملاقات میں حلقے کے ترقیاتی منصوبوں، بنیادی سہولیات کی فراہمی اور عوامی مسائل پر تفصیلی گفتگو ہوئی۔
مخدوم عامر علی شاہ نے تعلیم، صحت، سڑکوں کی تعمیر، زرعی سہولیات اور صاف پانی کے منصوبوں پر گورنر پنجاب کو بریف کیا اور پسماندہ علاقوں کی ترقی کے لیے خصوصی توجہ کی اپیل کی۔ گورنر پنجاب نے مسائل کے حل اور تعاون کی یقین دہانی کراتے ہوئے کہا کہ مقامی نمائندوں کی سفارشات کو ترجیح دی جائے گی۔
اس موقع پر مخدوم عامر علی شاہ نے گورنر پنجاب کو اوچ شریف کے دورے کی دعوت دی، جو انہوں نے قبول کرتے ہوئے جلد ممکنہ دورے کا وعدہ کیا۔ سیاسی حلقوں نے اس ملاقات کو عوامی فلاح کے لیے مثبت پیش رفت قرار دیا ہے۔
