وزیراعظم شہباز شریف نے جمعیت علمائے اسلام (ف) کے سربراہ مولانا فضل الرحمان سے ان کی رہائش گاہ پر ملاقات کی اور ان کے چھوٹے صاحبزادے اسجد محمود پر حملے اور اغوا کی کوشش پر گہری تشویش کا اظہار کیا۔
وزیراعظم نے واقعے کی شدید مذمت کرتے ہوئے اس میں ملوث عناصر کو جلد قانون کی گرفت میں لانے کے احکامات جاری کیے۔ انہوں نے واضح کیا کہ حکومت شہریوں کے جان و مال کے تحفظ کے لیے تمام وسائل بروئے کار لا رہی ہے اور کسی کو قانون ہاتھ میں لینے کی اجازت نہیں دی جائے گی۔
ملاقات کے دوران ملک کی مجموعی سیاسی صورتحال اور قومی امور پر بھی تبادلہ خیال کیا گیا۔وزیراعظم کے ہمراہ وفاقی وزراء احسن اقبال، اعظم نذیر تارڑ، عطاء اللہ تارڑ اور وزیراعظم کے مشیر برائے داخلہ رانا ثناء اللہ بھی موجود تھے۔
غزہ میں اسرائیلی حملے جاری، مزید 44 فلسطینی شہید
چیئرمین واپڈا سجاد غنی عہدے سے مستعفی ، وجوہات ذاتی قرار
ہری پور میں سوشل میڈیا انفلوئنسر سے مبینہ اجتماعی زیادتی، مقدمہ درج