ایرانی سرکاری میڈیا نے جنگ بندی کا اعلان کر دیا ،
سی این این کے مطابق ایرانی سرکاری میڈیا نے کہا ہے کہ دشمن پر جنگ بندی نافذ کر دی گئی ہے،جنگ بندی امریکی جارحیت کے جواب میں فوجی ردعمل کے بعد کی گئی،امریکی جارحیت کے جواب میں کامیاب میزائل آپریشن کے بعد جنگ بندی کی .ایرانی سرکاری میڈیا نے جنگ بندی کے نفاذ کے وقت کا اعلان نہیں کیا،
دوسری جانب ایران نے اسرائیل پر صبح سے تیسرا میزائل حملہ کردیا۔ اسرائیل کے جنوبی شہر بیرشیبا میں میزائل گرنے سے تباہی ہوئی، 3 اسرائیلی ہلاک جبکہ متعدد زخمی ہو گئے۔
یورپ اور مشرق وسطیٰ میں دیر رات تک جاری رہنے والی کشیدگی کے بعد امریکہ کے صدر ڈونلڈ ٹرمپ نے اسرائیل اور ایران کے درمیان جنگ بندی کا اعلان کیا ہے، تاہم اس جنگ بندی کے نفاذ اور اس کی شرائط کے بارے میں اب تک کوئی واضح معلومات نہیں ہیں۔ دونوں ممالک کے درمیان 12 دن سے جاری تصادم کے خاتمے کے حوالے سے یہ اعلان اس وقت سامنے آیا ہے جب ایران نے قطر میں امریکی فوجی اڈے پر میزائل حملہ کیا تھا۔صدر ٹرمپ نے پیر کی دیر رات مشرقی وقت کے مطابق اعلان کیا کہ مکمل جنگ بندی تقریباً چھ گھنٹے بعد یعنی منگل کی صبح اسرائیل کے وقت صبح 7 بجے شروع ہو جائے گی۔ قطر نے اس جنگ بندی کے معاملے میں ثالثی کی ہے
ایرانی سرکاری ٹی وی نے منگل کی صبح اعلان کیا کہ دشمن پر جنگ بندی "مجبوری میں عائد کی گئی ہے” جو امریکہ کی جارحیت کے جواب میں ایران کی فوجی کارروائی کا نتیجہ ہے۔ ایران کے سرکاری نیوز چینل نے کہا کہ صدر ٹرمپ نے جنگ بندی کی درخواست "گڑگڑانے جیسے انداز میں” کی۔ دوسری طرف ٹرمپ نے کہا کہ "اسرائیل اور ایران نے مجھے امن کے لیے رابطہ کیا۔”
قبل ازیں قطر میں امریکی اڈے پر ایران کی جانب سے میزائل حملہ اس کے چند دن پہلے خالی کر دیے جانے کے بعد کیا گیا، جس میں کوئی جانی نقصان نہیں ہوا۔ ایرانی حکام نے قطر کو اس حملے کی پیشگی اطلاع دی تھی۔
