اوکاڑہ (نامہ نگار ملک ظفر) اسسٹنٹ کمشنر رب نواز نے پٹرول پمپس، کریانہ سٹورز اور بازاروں کا دورہ کرتے ہوئے انسداد تجاوزات اور قیمتوں کے کنٹرول کے حوالے سے چیکنگ کی۔ راوی روڈ پر اشیائے خورونوش کی ریٹ لسٹیں آویزاں نہ کرنے پر کریانہ سٹور مالکان کو 10 ہزار روپے جرمانہ عائد کیا گیا۔
انہوں نے گول چوک اور راوی روڈ پر دکانوں کی انسپیکشن کے دوران تجاوزات کے خلاف کارروائی بھی کی اور ایک دکاندار کو جرمانہ کیا۔ اس موقع پر اسسٹنٹ کمشنر رب نواز نے دکانداروں کو ہدایت کی کہ اشیائے خورونوش کی قیمتیں نمایاں جگہ پر آویزاں کریں اور مقررہ نرخوں کے مطابق اشیاء کی فروخت کو یقینی بنائیں، بصورت دیگر سخت کارروائی عمل میں لائی جائے گی۔
