چند دن قبل حافظ قرآن دکاندار کو قتل کرنے والے دو ڈاکو پولیس مقابلے میں ہلاک ہو گئے،2 ساتھی فرار
تفصیلات کے مطابق چند روز قبل اسٹیل باغ موڑ کے قریب فروٹ شاپ پر ڈکیتی کے دوران ایک معصوم شہری اور دکان مالک کو ناحق قتل کرنے اور 2 شہریوں کو شدید زخمی کرنیوالے خطرناک دونوں ڈاکو ہلاک ہو گئے ہیں
سی سی ڈی ٹیم قصور اور ڈاکوؤں کے مابین قصور بائی پاس کے قریب مقابلہ ہوا ، پولیس مقابلے کے دوران 2 خطرناک ڈاکو اپنے ساتھیوں کی فائرنگ سے ہلاک ہوئے جن کی شناخت نقاش بٹ سکنہ لاہور اور عثمان عرف اسامہ سکنہ شکر گڑھ کے ناموں سے ہوئی ہے ،ہلاک ہونے والے ڈاکوؤں نے چند روز قبل طفیل فروٹ چاٹ شاپ پر مزاحمت کرنے پر دکان مالک فیض کو ناحق قتل اور ملازم و گاہک کو زخمی کیا تھا
ہلاک ہونیوالے دونوں ڈاکو 50 سے زائد سنگین وارداتوں میں ضلع قصور اور لاہور میں ریکارڈ یافتہ نکلے،چار ڈاکو بائی پاس قصور پر لوٹ مار کر رہے تھے کہ سی سی ٹیم کے پہنچنے پر ڈاکوؤں نے فائرنگ کر دی اور ڈاکو اپنے ساتھیوں کی فائرنگ سے ہلاک ہوئے جبکہ 2 ڈاکو ساتھی فرار ہونے میں کامیاب ہو گئے، سی ٹی ڈی ٹیم نے پولیس مقابلہ کا مقدمہ درج کر کے فرار ہونیوالے ملزمان کی گرفتاری کیلئے ٹیم تشکیل دے دی ہے،خطرناک ڈاکوؤں کی ہلاکت اور فوری انصاف کی فراہمی پر لواحقین اور شہریوں نے سی سی ڈی ٹیم کا شکریہ ادا کیا
ڈی او سی سی ڈی محمد عتیق ڈوگر نے کہا کہ سی سی ڈی ٹیم قصور اپنے شہریوں کی جان و مال کی حفاظت کی خاطر پوری جانفشانی سے دن رات کوشاں ہے
