پنجاب پولیس کے کانسٹیبل عمر فاروق نے انٹرنیشنل ویسٹ ایشیا بیس بال کپ میں شاندار کارکردگی دکھاتے ہوئے سلور میڈل اپنے نام کر لیا۔
ضلع اوکاڑہ سے تعلق رکھنے والے کھلاڑی نے سیمی فائنل میں بھارت کے کھلاڑی کو شکست دے کر فائنل تک رسائی حاصل کی۔پنجاب پولیس کے ترجمان کے مطابق اس انٹرنیشنل ایونٹ میں پاکستان، بھارت، بنگلہ دیش، افغانستان، سری لنکا، ایران، عراق اور فلسطین سمیت دیگر ممالک نے حصہ لیا۔
اس موقع پر پیٹرن پولیس بیس بال ٹیم اور ڈی آئی جی ویلفیئر اینڈ فنانس غازی محمد صلاح الدین نے فاتح کھلاڑی سے ملاقات کی اور اس کی کارکردگی کو سراہا۔ڈی آئی جی کے مطابق آئی جی پنجاب کی جانب سے عمر فاروق کو تعریفی سند اور کیش انعام بھی دیا جائے گا۔ انہوں نے کہا کہ محنت اور لگن سے جیتنے والے اتھلیٹ اہلکار محکمہ پولیس کا فخر ہیں۔
غازی محمد صلاح الدین نے کہا کہ کھلاڑیوں کی حوصلہ افزائی سے ان کا جذبہ مزید بڑھتا ہے اور وہ ملک و قوم کے لیے بہتر کارکردگی دکھانے کے لیے پرعزم رہتے ہیں۔
کراچی میں مون سون کی پہلی بارش کے دوران 7 افراد جاں بحق
پاکستان اوور 40 کرکٹ ورلڈ کپ 2025 کی میزبانی کرے گا، کراچی میں تیاریاں شروع
وزیراعظم کا بارشوں کی صورتحال پر چیئرمین این ڈی ایم اے سے رابطہ
