فیلڈ مارشل سید عاصم منیر سے ایرانی آرمی چیف میجر جنرل سید عبدالرحیم موسوی نے ٹیلیفونک رابطہ کیا۔
ایرانی میڈیا کی رپورٹ کے مطابق اس بات چیت کے دوران ایرانی آرمی چیف نے اسرائیل کی جانب سے جاری جارحیت اور حملوں کے خلاف پاکستان کے جرات مندانہ اور واضح موقف کو بھرپور طریقے سے سراہا۔میجر جنرل سید عبدالرحیم موسوی نے پاکستان کی عوام اور سیکیورٹی فورسز کو ایران کی حمایت پر شکریہ ادا کیا اور کہا کہ دونوں ممالک خطے میں امن و استحکام کے لیے ایک دوسرے کے مضبوط شراکت دار ہیں۔
اس موقع پر فیلڈ مارشل عاصم منیر نے بھی دو طرفہ دفاعی تعاون کو مزید فروغ دینے کی خواہش کا اظہار کیا۔دونوں عسکری سربراہان نے خطے کی موجودہ صورتحال پر تبادلہ خیال کیا اور علاقائی سلامتی کے تحفظ کے لیے مشترکہ کوششوں پر اتفاق کیا۔
تجزیہ کاروں کی جانب سے اس ٹیلیفونک رابطے کو ایران اور پاکستان کے مابین عسکری اور دفاعی تعلقات کو مزید مضبوط کرنے کے لیے ایک اہم قدم قرار دیا جا رہا ہے۔
مولانا فضل الرحمٰن کا دھاندلی، سیاست، فاٹا انضمام اور فلسطین پر دو ٹوک مؤقف
ترک صدر طیب اردوان کی خیبرپختونخوا حملے کی مذمت
