کراچی کے علاقے پی ای سی ایچ ایس میں ایک تاجر کے گھر پر 13 کروڑ روپے کی ڈکیتی کرنے والے بہن بھائی ٹک ٹاکر ثابت ہوئے ہیں۔
تفتیشی حکام نے بتایا کہ ملزمان کی پاکستانی اور بھارتی فنکاروں کے ساتھ تصاویر بھی سامنے آئی ہیں۔ اس مقدمے میں بہن بھائی سمیت کل 4 ملزمان گرفتار کر لیے گئے ہیں۔پولیس کے مطابق گرفتار ملزمان سے لوٹی گئی رقم اور قیمتی اشیاء کے حوالے سے تفتیش جاری ہے۔ واقعے کی 4 سی سی ٹی وی کیمروں کی فوٹیجز بھی مل چکی ہیں، جن میں دیکھا جا سکتا ہے کہ شہری سالک گھر کے باہر اپنی گاڑی پر کپڑا ڈال رہا ہے جب کالے رنگ کی گاڑی میں ملزمان اس کے قریب پہنچتے ہیں۔
سی سی ٹی وی فوٹیجز میں دو برقعہ پوش خواتین اور دو مرد مسلح حالت میں تاجر سالک کے گھر داخل ہوتے دکھائی دیتے ہیں۔ ایک برقعہ پوش خاتون کے ہاتھ میں خالی بیگ بھی دیکھا گیا ہے۔ ملزمان نے اہلِ خانہ کو یرغمال بنا کر لوٹ مار کی اور واپس جاتے وقت بھرا ہوا بیگ بھی لے جاتے دکھائی دیے۔
پولیس نے واقعے کی مزید تحقیقات شروع کر دی ہیں اور دیگر ملوث افراد کی تلاش میں چھاپے مارے جا رہے ہیں۔
7 مئی کو پاک فضائیہ نے بھارتی جنگی جہاز مار گرائے،بھارتی دفاعی اتاشی کا اعتراف
کراچی، مختلف واقعات میں 5 افراد جاں بحق، 4 زخمی
فیلڈ مارشل سے ایرانی آرمی چیف کا ٹیلیفونک رابطہ،پاکستان کے عوام کا شکریہ
مولانا فضل الرحمٰن کا دھاندلی، سیاست، فاٹا انضمام اور فلسطین پر دو ٹوک مؤقف
’اپنا میٹر اپنی ریڈنگ‘ ایپ،کے الیکٹرک کو تاحال نوٹیفکیشن موصول نہیں ہوا
