بین الاقوامی خبررساں ادارے ”روئٹرز“ کا آفیشل ”ایکس“ اکاؤنٹ بھارت میں بلاک کر دیا گیا ہے-
رپورٹس کےمابق خبر رساں ایجنسی ’روئٹرز‘ کے سوشل میڈیا اکاؤنٹ پربھارت میں پابندی عائد کر دی گئی ہے،جو کہ آزادی اظہار رائے اور آزادی صحافت پر ایک اور سنگین قدغن ہے بھارتی حکومت کی جانب سے اسے ”قانونی مطالبے“ کی بنیاد پر روکا گیا ہے، تاہم اس اقدام کی وجوہات تاحال ظاہر نہیں کی گئیں۔
”روئٹرز“ نے تاحال اس پابندی پر باضابطہ بیان جاری نہیں کیا ادارہ ”تھامسن رائٹرز“ کے تحت کام کرنے والا ”رائٹرز“ 200 سے زائد مقامات پر اپنے 2,600 سے زیادہ صحافیوں کے ذریعے دنیا بھر میں خبروں کی ترسیل کرتا ہے،ذرائع کا کہنا ہے کہ بھارتی حکومت کا یہ قدم دراصل تنقید برداشت نہ کرنے کی پالیسی کا تسلسل ہے، جس کے تحت پہلے بھی بی بی سی، الجزیرہ، دی وائر، دی کاروان، اور دیگر آزاد صحافتی اداروں کو نشانہ بنایا جا چکا ہے روئٹرز کا بھارت میں بلاک کیا جانا نہ صرف اظہار رائے کے بنیادی انسانی حق کی خلاف ورزی ہے بلکہ عالمی سطح پر بھارت کی جمہوریت پسندی کے دعووں کو بھی مشکوک بنا دیتا ہے۔
آزادی صحافت کے عالمی نگراں ادارے ”رپورٹرز وِدآؤٹ بارڈرز“ کی درجہ بندی میں بھارت پہلے ہی خطرناک ممالک کی فہرست میں شامل ہو چکا ہے، اور رائٹرز جیسے عالمی ادارے کو بلاک کرنا اس صورت حال کو مزید تشویشناک بنا رہا ہےصحافتی حلقے اس اقدام کو ایک آمریت زدہ ذہنیت کا عکاس قرار دے رہے ہیں، جہا ں حکومت سچ کو چھپانے کے لیے عالمی اداروں کو بھی خاموش کرانے سے دریغ نہیں کر رہی۔
