جے یو آئی (ف )کے سربراہ مولانا فضل الرحمان نے کہا ہے کہ حکومت کی غلط پالیسیاں غربت میں اضافہ کر رہی ہیں، بجٹ میں ہر چیز کو مہنگا کر دیا گیا-
لاہور میں متحدہ ایکشن کمیٹی سرکلر روڈ کے وفد سے ملاقات میں مولانا فضل الرحمان نے کہا ہےکہ شہر کی خوبصورت کے لیے لاکھوں افراد کو بے روزگار کرنے کی اجازت نہیں دی جا سکتی، ان کی جماعت پوری قوت کے ساتھ تاجر برادری کے ساتھ کھڑی ہے، بجٹ میں ہر چیز کو مہنگا کر دیا گیا، غریب آدمی کی قوت خرید جواب دے گئی، انہوں نے کمیٹی کے مطالبات کی حمایت کا اعلان کیا۔
کمیٹی کے اراکین کا کہنا تھا کہ حکومت شاہ عالم مارکیٹ اور سرکلر روڈ پر 7 ہزار دکانوں اور 500 گھروں کو مسمار کرنا چاہتی ہے۔ٕ
شاہ عالم مارکیٹ پا کستان کی بڑی مارکیٹوں میں سے ایک ہے ، شاہ عالم مارکیٹ الیکٹرانکس، کاسمیٹکس، ہینڈی کرافٹس، نایاب اشیاء، اسٹیشنری، کراکری، کھیلوں کے سامان، جیولری اور ضروریات زندگی کے دیگر سامان کے لئے مشہور ہے۔اس مارکیٹ میں اندازاً 1200 کے قریب دکانیں ہیں شاہ عالم مار کیٹ سے ضروریات زندگی کی اشیاء تمام ملک میں اور ہمسایہ ممالک کو درآمد کی جاتیں ہیں۔ عینک مارکیٹ شاہ عالم دروازہ میں واقع ہے۔ یہ مارکیٹ 1970 میں قائم ہوئی۔
