حکمراں جماعت مسلم لیگ (ن) کے اعلیٰ سطح کے وفد نے جمعیت علمائے اسلام (ف) کے سربراہ مولانا فضل الرحمٰن سے ان کی رہائش گاہ پر ملاقات کی۔
ملاقات اسلام آباد میں مولانا فضل الرحمٰن کی رہائش گاہ پر ہوئی۔وفد میں وزیرِاعظم کے مشیر برائے سیاسی امور رانا ثناء اللّٰہ اور وفاقی وزیر امیر مقام شامل تھے۔جے یو آئی کی جانب سے اکرم درانی، مولانا لطف الرحمٰن، کامران مرتضیٰ، مولانا عطاء الرحمٰن، مولانا اسعد محمود جبکہ ن لیگ کے رہنما مرتضیٰ جاوید عباسی اور ہارون محمود بھی شریک ہوئے۔
ملاقات میں خیبر پختونخوا میں پارٹی پوزیشن اور 21 جولائی کے سینیٹ انتخابات سے متعلق مشاورت کی گئی۔دونوں جماعتوں کے رہنماؤں نے ملکی سیاسی صورتحال پر بھی تبادلہ خیال کیا۔ذرائع کے مطابق، ملاقات کا مقصد سیاسی ہم آہنگی کو فروغ دینا اور آئندہ اہم فیصلوں میں باہمی تعاون کو مضبوط بنانا تھا۔
مسلم لیگ (ن) کا اعلیٰ سطحی وفد مولانا فضل الرحمٰن سے ملاقات کے لیے پہنچ گیا
وفاقی ترقیاتی بجٹ جاری کرنے کی حکمت عملی تیار
یورپ میں شدید گرمی کا قہر، 10 دن میں 2,300 افراد ہلاک
اداکارہ حمیرا اصغر کی میت کے لیے لواحقین کا حکام سے رابطہ، تدفین کل متوقع
