اسلام آباد: اینٹی نارکوٹکس فورس (اے این ایف) نے ملک کے مختلف شہروں اور تعلیمی اداروں کے قریب منشیات کی اسمگلنگ اور فروخت کے خلاف کریک ڈاؤن کیا ہے۔ جاری کردہ رپورٹ کے مطابق 9 مختلف کارروائیوں کے دوران 3 خواتین سمیت کل 9 ملزمان کو گرفتار کیا گیا جبکہ 98 لاکھ 29 ہزار روپے مالیت کی 65.278 کلوگرام منشیات برآمد ہوئی ہے۔
پشاور میں یونیورسٹی روڈ پر واقع ایک کالج کے قریب گاڑی سے 3 کلو ہیروئن برآمد کر کے ملزم کو گرفتار کر لیا گیا۔ مزید برآں، یونیورسٹی کے قریب ایک اور ملزم کے قبضے سے 1.5 کلو چرس برآمد ہوئی۔ گرفتار ملزمان نے اعتراف کیا کہ وہ تعلیمی اداروں کے طلباء کو منشیات کی فراہمی کرتے رہے ہیں، جس پر سخت کارروائی کی جا رہی ہے۔فیصل آباد ایئرپورٹ پر قطر جانے والے مسافر کے سامان سے ٹرالی بیگ میں چھپائی گئی 1.378 کلو آئس برآمد، ملزم گرفتار کر لیا گیا
وارثک روڈ پشاور میں کوریئر آفس سے گجرات اور کراچی بھیجے جانے والے پارسلز میں سے 1.8 کلو چرس برآمدکی گئی،کراچی کے سہراب گوٹھ بس سٹینڈ کے قریب 2 خواتین کے قبضے سے 12 کلو چرس برآمد، دونوں خواتین ملزمہ گرفتار کر لی گئیں،جامشورو ٹول پلازہ کے قریب مسافر بس میں سوار خاتون کے قبضے سے 12 کلو چرس برآمد، ملزمہ گرفتار کر لی گئی،لاہور میں جی ٹی روڈ شالیمار باغ کے قریب موٹر سائیکل سوار ملزم کے قبضے سے 13.20 کلو چرس اور 6 کلو افیون برآمد کی گئی،ہجرت کالونی کراچی کے قریب موٹر سائیکل سوار ملزم کے قبضے سے 12 کلو چرس برآمد کی گئی،اسلام آباد موٹروے ٹول پلازہ پر مسافر بس میں سوار ملزم کے قبضے سے 2.4 کلو چرس برآمد کی گئی
گرفتار ملزمان کے خلاف انسداد منشیات ایکٹ کے تحت مقدمات درج کر کے تحقیقات شروع کر دی گئی ہیں۔ اے این ایف کا کہنا ہے کہ ملک بھر میں منشیات کی سمگلنگ اور فروخت کے خلاف کارروائیاں تیز کر دی گئی ہیں تاکہ خاص طور پر نوجوان نسل کو اس وبا سے بچایا جا سکے۔
