مریکی محکمہ دفاع نے اوپن اے آئی، الفابیٹ کی گوگل، اینتھروپک اور ایلون مسک کی اے آئی کمپنی سے 20 کروڑ ڈالر مالیت کے معاہدے کیے ہیں۔
روئٹرزکے مطابق امریکی محکمہ دفاع (ڈی او ڈی) کی جانب سے اوپن اے آئی، الفابیٹ کی گوگل، اینتھروپک اور ایلون مسک کی اے آئی کمپنی ’ایکس اے آئی‘ کے ساتھ معاہدوں کا مقصد محکمہ دفاع میں جدید اے آئی صلاحیتوں کو وسیع پیمانے پر اپنانا ہے۔
محکمہ دفاع کے چیف ڈیجیٹل اینڈ آرٹیفیشل انٹیلی جنس آفس نے بتایا کہ ان معاہدوں کے تحت محکمہ دفاع کو ایجنٹک اے آئی ورک فلو تیار کرنے اور انہیں قومی سلامتی کے اہم چیلنجز سے نمٹنے کے لیے استعمال کرنے کا موقع ملے گا چیف ڈیجیٹل اینڈ اے آئی آفیسر ڈوگ میٹی کا کہنا تھا کہ’اے آئی کو اپنانا ہمارے جنگجوؤں کی مدد کرنے اور مخالفین پر اسٹریٹجک برتری برقرار رکھنے کی محکمہ دفاع کی صلاحیت کو بدل رہا ہے۔
https://x.com/xai/status/1944776899420377134
ایران نے جوہری توانائی ایجنسی کے ساتھ تعاون کو معطل کرنے کی وجہ بتا دی
امریکی سرکاری ادارے اے آئی کے استعمال کو بڑھا رہے ہیں، جس کی وجہ اپریل میں وائٹ ہاؤس کا جاری کردہ حکم نامہ ہے جو اس کے فروغ کی حوصلہ افزائی کرتا ہے جبکہ صدر ڈونلڈ ٹرمپ نے بھی اس ٹیکنالوجی پر پابندیاں نرم کرنے کی کوشش کی ہے اور 2023 میں بائیڈن دور کے ایک ایگزیکٹو آرڈر کو منسوخ کر دیا ہے، جس کے تحت اے آئی کے خطرات کو کم کرنے کے لیے ڈیٹا کا افشا کرنا لازم تھا۔
پیر کو ایکس اے آئی نے اپنی مصنوعات کا ایک نیا سلسلہ’ گروک فار گورنمنٹ’ کے نام سے متعارف کرایا ہے، جس کے تحت اس کے جدید ترین ماڈلز، بشمول فلیگ شپ گروک 4، وفاقی، مقامی، ریاستی اور قومی سلامتی کے اداروں کے لیے دستیاب ہوں گے۔
پی پی پی اور جے یو آئی کا ایک پلیٹ فارم سے سینیٹ الیکشن لڑنے پر اتفاق
پینٹاگون نے گزشتہ ماہ اعلان کیا تھا کہ اوپن اے آئی کو 20 کروڑ ڈالر کا معاہدہ دیا گیا ہے، جس میں کہا گیا کہ چیٹ جی پی ٹی بنانے والی کمپنی کو ’ دونوں جنگی اور ادارہ جاتی شعبوں میں قومی سلامتی کے اہم چیلنجز سے نمٹنے کے لیے جدید اے آئی صلاحیتوں کے پروٹو ٹائپ تیار کرنے’ کے لیے کنٹریکٹ دیا گیا ہے۔
