انڈین فلم "کپور اینڈ سنز” کے گانے "لڑکی بیوٹی فل” کے لیے مشہور ہریانوی ریپر اور گلوکار فاضل پوریا قاتلانہ حملے میں بال بال بچ گئے-
بھارتی ہریانوی میوزک انڈسٹری کے مشہور گلوکار اور ریپر فاضلپوریہ راہول یادو فائرنگ کے واقعے میں بال بال بچ گئے یہ واقعہ گروگرام کے قریب سدرن پیریفرل روڈ پر پیش آیا جہاں نامعلوم حملہ آوروں نے ان کی گاڑی پر اچانک گولیاں برسادیں، گولیوں کی بوچھاڑ سے گاڑی کے شیشے ٹوٹ گئے تاہم فاضلپوریہ محفوظ رہےاور حملہ آور موقع سے فرار ہوگئے پولیس حملے کے پیچھے محرکات جاننے کے لیے واقعے کی تحقیقات کر رہی ہے۔
فاضل پوریا، جن کا اصل نام راہول یادیو ہے، فاضلپوریہ نے اپنے گاؤں ’فاضلپور‘ سے متاثر ہو کر اس اسٹیج نیم کو اختیار کیا تھا،ہریانوی میوزک انڈسٹری کی ایک معروف شخصیت ہیں وہ ہریانوی لوک موسیقی اور جدید بیٹس کا امتزاج بنا کر شہرت کی بلندیوں پر پہنچے اور انہوں نے مختلف بالی ووڈ گلوکاروں اور یوٹیوبرز کے ساتھ تعاون کیا ہے انہوں نے اپنے ہٹ گانے "لڑکی بیوٹی فل کر گئی چل” کے ذریعے پہچان حاصل کی جو 2016 کی فلم "کپور اینڈ سنز” میں پیش کیا گیا تھا۔ اس واقعے نے تفریحی صنعت میں عوامی شخصیات کے تحفظ کے بارے میں خدشات کو جنم دیا ہے۔
اسٹاک ایکسچینج میں زبردست تیزی،نئی تاریخ رقم
دلچسپ بات یہ ہے کہ فاضل پوری سے 2024 میں ای ڈی نے منی لانڈرنگ کیس کے سلسلے میں پوچھ گچھ کی تھی جس میں ان کے دوست ایلوش یادو کے ریو پارٹی کیس میں مبینہ طور پر ملوث ہونے سے متعلق تھا، جس میں مبینہ طور پر سانپ کا زہر دیا جا رہا تھا۔ فاضل پوریا نے ابھی تک فائرنگ کے حوالے سے کوئی عوامی بیان جاری نہیں کیا ہے پولیس فی الحال سی سی ٹی وی فوٹیج کا جائزہ لے رہی ہے اور مجرموں کی شناخت اور گرفتاری کے لیے شواہد اکٹھے کر رہی ہے۔
ماں اور دو بچے تالاب میں ڈوب کر جاں بحق
