اوکاڑہ (باغی ٹی وی ،نامہ نگار ملک ظفر) ڈپٹی کمشنر احمد عثمان جاوید کی خصوصی ہدایات پر اسسٹنٹ کمشنر رب نواز نے بارش کے بعد نکاسی آب کی صورتحال کا خود جائزہ لینے کے لیے رات گئے فیلڈ کا دورہ کیا۔ تحصیل روڈ، گول چوک اور دیگر نشیبی علاقوں میں موجود عملے کو ہدایات دیتے ہوئے انہوں نے بارشی پانی کے جلد اخراج کے لیے کام کی رفتار تیز کرنے اور نالیوں کی صفائی یقینی بنانے کا حکم دیا۔
اسسٹنٹ کمشنر نے "ستھرا پنجاب” ٹیموں کو بھی ہدایت کی کہ وہ اپنی مکمل صلاحیتوں کے ساتھ محنت اور دلجمعی سے کام کریں، تاکہ مون سون بارشوں کے دوران شہر میں کسی قسم کی رکاوٹ یا گندگی کا سامنا نہ کرنا پڑے۔ انہوں نے کہا کہ صفائی اور نکاسی کا نظام بلاتعطل برقرار رکھنا ہی شہریوں کی سہولت اور صحت کا ضامن ہے۔ عوامی خدمت میں کوتاہی ہرگز برداشت نہیں کی جائے گی۔
