اوکاڑہ (باغی ٹی وی،نامہ نگار ملک ظفر) ایڈیشنل سیشن جج خالد رحمان کی عدالت نے تھانہ صدر اوکاڑہ کی کارروائی پر خاتون منشیات فروش عذرا کو 9 سال قید اور 80 ہزار روپے جرمانہ کی سزا سنادی۔
استغاثہ کے مطابق پولیس تھانہ صدر نے نومبر 2024 میں محبوب ٹاؤن کے قریب کارروائی کرتے ہوئے خاتون عذرا کے قبضے سے 2400 گرام چرس برآمد کی تھی۔ مقدمہ نمبر 3360/24 درج کیا گیا اور مکمل شواہد کے ساتھ چالان عدالت میں جمع کرایا گیا۔
عدالت نے استغاثہ کے شواہد کو سچ قرار دیتے ہوئے مجرمہ کو سخت سزا سنائی۔ ڈی پی او محمد راشد ہدایت نے کیس میں بہتر تفتیشی و قانونی کارکردگی پر متعلقہ ٹیم کو شاباش دی اور کہا کہ منشیات فروشوں کے خلاف زیرو ٹالرنس پالیسی جاری رہے گی۔
