نائب وزیراعلیٰ چھتیس گڑھ وجے شرما نے بھارتی سکیورٹی فورسز میں بڑی تعداد میں اہلکاروں کی خودکشیوں کا انکشاف کیا ہے۔
وجے شرما کے مطابق بھارتی سکیورٹی فورسز بدترین ذہنی دباؤ اور مسائل کا شکار ہو چکی ہیں مقبوضہ کشمیر، چھتیس گڑھ اور منی پور جیسے شورش زدہ علاقوں میں تعینات اہلکاروں میں خودکشیوں اور ساتھی اہلکاروں پر فائرنگ کے واقعات خطرناک حد تک بڑھ چکے ہیں، 2019ء سے اب تک 177 بھارتی سکیورٹی اہل کار خودکشی کر چکے ہیں۔
کشمیرمیڈیا سروس کے مطابق وزیراعلیٰ وجے شرما نے صوبائی اسمبلی میں بتایا کہ 2019ء کے بعد سے محض چھتیس گڑھ میں 177 بھارتی سکیورٹی اہلکاروں نے اپنے ہاتھوں اپنی زندگی کا خاتمہ کر لیا پے در پے خودکشیاں اور ساتھیوں پر حملے، نہ صرف بھارتی فوج کی ادارہ جاتی ناکامی ظاہر کرتے ہیں بلکہ انسانی حقوق کی سنگین خلاف ورزیوں کی بنیاد بھی یہی نفسیاتی ٹوٹ پھوٹ ہے۔
مودی کا چوتھی بڑی معیشت کا فریب بے نقاب، عوام بھوک اور قرض سے خودکشیوں پر مجبور
2019ء سے جون 2025ء تک، چھتیس گڑھ میں 177 بھارتی پولیس و پیراملٹری اہلکار خودکشی کر چکے ہیں ان میں سینٹرل ریزروڈ پولیس فورس کے 26، بارڈر سکیورٹی فورس کے 5، انڈو تبتن بارڈر پولیس کے 3 و دیگر دستوں کے اہلکار شامل ہیں یہ اعداد و شمار بھارتی فوج میں ایک خطرناک رجحان کی نشاندہی کرتے ہیں
اسی مدت میں 18 اہلکار ساتھیوں کے قتل میں ملوث پائے گئے، جنہوں نے شدید ذہنی دباؤ کے تحت ساتھی اہلکاروں کو فائرنگ کر کے موت کے گھاٹ اتار دیا۔ یہ صرف جرائم نہیں بلکہ ان اہلکاروں کی ذہنی صحت کی تباہ کن صورتحال کا عکس ہیں،یہ سرکاری اعداد و شمار چھتیس گڑھ کے نائب وزیراعلیٰ اور وزیر داخلہ وجے شرما نے صوبائی اسمبلی میں بی جے پی کے ایم ایل اے اجے چندرکار کے سوال کے جواب میں تحریری طور پر پیش کیے ہیں۔
پاک فوج کا ریسکیو آپریشن ،دیوسائی روڈ کھول دیا گیا،آمدورفت جاری
نفسیاتی ماہرین کے مطابق ان بھارتی اہلکاروں کے لیے ذہنی صحت کے مراکز یا کوئی کاؤنسلنگ سسٹمز موجود نہیں روزانہ کا جان لیوا گشت، ہائی ٹینشن ایریاز میں تعیناتی،افسران کے ناروا سلوک اور ذاتی مسائل نے انہیں خود کشی یا پرتشدد اقدامات کی طرف دھکیل دیا ہے۔
سیاسی مبصرین کی جانب سے سوال اٹھایا گیا ہے کہ اگر بھارتی فورسز خود اتنی غیر مستحکم ہیں تو وہ کیسے ایک حساس خطے میں امن قائم کر سکتی ہیں؟ ان کی موجودہ حالت خود ایک سکیورٹی رسک بن چکی ہے، جس کا خمیازہ عام بھارتی عوام اور خاص طور پر قبائلی باشندے بھگت رہے ہیں بھارتی فوج پر نفسیاتی دباؤ بہت زیادہ بڑھ چکا ہے، جس کی ایک بڑی وجہ انسانی حقوق کی پامالیوں میں ملوث ہونے کے بعد پیدا ہونے والا احساسِ جرم ہے۔
سابق کھلاڑی سرفراز نواز شدید علالت کے باعث لندن اسپتال میں داخل
