باغی ٹی وی اور آل پاکستان رائیٹرز ویلفیئر ایسوسی ایشن (اپووا) کے اشتراک سے یومِ آزادی پاکستان کی مناسبت سے ایک اہم اور قومی جذبے سے بھرپور تحریری مقابلے کا اعلان کیا گیا ہے۔ اس مقابلے کا موضوع "شانِ پاکستان” رکھا گیا ہے، جس کا مقصد ملک کے نوجوان لکھاریوں اور ادب دوست طبقات کو اظہارِ خیال کا موقع فراہم کرنا اور حب الوطنی کے جذبے کو اجاگر کرنا ہے۔
مقابلے میں حصہ لینے کے خواہشمند افراد سے کہا گیا ہے کہ وہ کم از کم 1000 الفاظ پر مشتمل ایک غیر نقل شدہ، اصل اور تخلیقی تحریر تیار کریں اور مقررہ وقت میں جمع کروائیں۔تحریر جمع کروانے کی آخری تاریخ 8 اگست 2025 مقرر کی گئی ہے۔ تمام تحریریں واٹس ایپ کے ذریعے درج ذیل نمبر پر ارسال کی جا سکتی ہیں.
0303-0204604
مقابلے کے اختتام پر موصول ہونے والی تحریروں کو ماہرینِ ادب اور شعبہ صحافت سے تعلق رکھنے والی جیوری کے سامنے پیش کیا جائے گا، جو معیارِ تحریر، زبان و بیان، تخلیقی انداز اور موضوع سے ہم آہنگی کی بنیاد پر بہترین تحریروں کا انتخاب کرے گی۔منتخب ہونے والی تین نمایاں تحریروں کے مصنفین کو 14 اگست 2025 کو "شانِ پاکستان ایوارڈ” سے نوازا جائے گا۔ ایوارڈ کی تقریب آل پاکستان رائیٹرز ویلفیئر ایسوسی ایشن کے زیر اہتمام آزادی کے دن کی مناسبت سے خصوصی انداز میں استحکام پاکستان کانفرنس کے عنوان سے منعقد کی جائے گی، جس میں معروف ادبی، صحافتی اور سماجی شخصیات شرکت کریں گی۔
باغی ٹی وی اور اپووا کی اس مشترکہ کاوش کا مقصد صرف ایک تحریری مقابلہ نہیں بلکہ ایک مثبت بیانیہ کی ترویج اور نوجوان نسل کو قومی شناخت سے جوڑنے کی عملی کوشش ہے۔مزید معلومات اور اپ ڈیٹس کے لیے باغی ٹی وی کے آفیشل پلیٹ فارمز اور اپووا کے سوشل میڈیا پیجز پر رابطہ رکھا جا سکتا ہے۔
