عالمی اور مقامی صرافہ مارکیٹوں میں آج سونے کی قیمت میں معمولی کمی ریکارڈ کی گئی، جس کے باعث ملک بھر میں مسلسل چوتھے روز بھی سونے کی قیمت میں 100 روپے کی کمی واقع ہوئی۔
آل پاکستان جیمز اینڈ جیولرز ایسوسی ایشن کے مطابق کاروباری ہفتے کے پہلے روز 24 قیراط فی تولہ سونا 100 روپے سستا ہو کر 3 لاکھ 56 ہزار 300 روپے کا ہوگیا۔ اسی طرح 24 قیراط 10 گرام سونا 85 روپے کمی کے بعد 3 لاکھ 5 ہزار 470 روپے میں فروخت ہوا جبکہ 22 قیراط 10 گرام سونے کی قیمت 2 لاکھ 80 ہزار 14 روپے ریکارڈ کی گئی۔ادھر چاندی کی قیمت میں کسی قسم کی تبدیلی نہیں آئی، فی تولہ چاندی 3 ہزار 963 روپے اور 10 گرام چاندی 3 ہزار 397 روپے کی سطح پر مستحکم رہی۔
دوسری جانب عالمی مارکیٹ میں بھی سونے کی قیمت میں ایک ڈالر کی معمولی کمی دیکھنے میں آئی، جس کے بعد فی اونس سونا 3 ہزار 336 ڈالر پر آگیا۔واضح رہے کہ 24 جولائی کو سونے کی قیمت میں 5 ہزار 900 روپے کی بڑی کمی ہوئی تھی، جس کے بعد 24 قیراط سونے کی فی تولہ قیمت 3 لاکھ 59 ہزار روپے ریکارڈ کی گئی تھی۔
سوات: مدرسے میں کمسن طالبعلم پر تشدد کے مرکزی ملزمان گرفتار
9 مئی کیس: اعجاز چوہدری، احمد بھچر اور احمد چٹھہ نااہل، نشستیں خالی
