الیکشن کمیشن آف پاکستان نے این اے ون چترال سے منتخب رکن قومی اسمبلی عبدالطیف چترالی کو نااہل قرار دے دیا ہے۔
یہ فیصلہ 9 مئی کے دہشت گردی کے واقعات میں سزا یافتہ ہونے کی بنیاد پر کیا گیا ہے۔ الیکشن کمیشن نے اس ضمن میں نوٹیفکیشن بھی جاری کر دیا ہے۔ الیکشن کمیشن نے عبدالطیف چترالی کی نااہلی کا نوٹیفکیشن آرٹیکل 63(1)(ھ) کے تحت جاری کیا ہے، جس کے مطابق سزا یافتہ افراد پارلیمنٹ کا رکن بننے کے اہل نہیں ہوتے۔الیکشن کمیشن نے اس حوالے سے آج ہی فیصلہ محفوظ کیا تھا اور بعد ازاں نااہلی کا نوٹیفکیشن جاری کیا گیا۔
اس سے پہلے انسداد دہشت گردی عدالت کی طرف سے سزا سنائے جانے کے بعد الیکشن کمیشن نے دیگر اہم سیاسی شخصیات کو بھی نااہل قرار دیا ہے جن میں سینیٹر اعجاز چوہدری، ایم این اے محمد احمد چٹھہ اور اپوزیشن لیڈر پنجاب اسمبلی احمد خان بھچر شامل ہیں۔
