ادارہ شماریات نے ہفتہ وار بنیادوں پر مہنگائی کے اعدادوشمار جاری کردئیے۔
ادارہ شماریات کے مطابق ایک ہفتے میں مہنگائی کی شرح میں 0.35 فیصد کی کمی ہوئی، سالانہ بنیادوں پر مہنگائی بڑھنے کی شرح 1.98 فیصد ریکارڈ کی گئی ،ایک ہفتے میں 12 اشیا کی قیمتوں میں کمی اور 11 کی قیمتوں میں اضافہ ہوا، جبکہ 28 اشیا کی قیمتوں میں استحکام رہا-
ادارہ شماریات کے مطابق،ایک ہفتے میں ٹماٹر کی فی کلو قیمت میں 17 روپے تک کمی ہوئی، زندہ مرغی کی فی کلو قیمت میں 20 روپے تک کمی آئی ،ایک ہفتے میں دال مونگ 6 روپے تک سستی ہوئی، انڈے،بیف،خشک دودھ،لہسن،مٹن، گڑ، پیاز ،جلانےکی لکڑی،انرجی سیور، سگریٹس کی قیمتوں میں اضافہ ہوا،ٹماٹر، چکن، چینی، دال مونگ، آلو، دال ماش،گندم کا آٹا سستی اشیاء میں شامل ہیں،چینی کی قیمت میں 0.71 فیصد کمی، اوسط قیمت 179.33 روپے فی کلو رہی۔
پاکستان بھارت کی کسی بھی جارحیت کا بھرپور جواب دے گا
ادارہ شماریات کی رپورٹ کےمطابق مختلف شہروں میں چینی 190 روپے فی کلو تک بھی فروخت ہوئی، پشاور اور فیصل آباد میں چینی کا ریٹ 190 روپے کلو تک ریکارڈ کی گئی،پنجاب کے مختلف شہروں میں 173، راولپنڈی اسلام آباد میں 185 روپے کلو میں فروخت ہورہی، دال چنا، ایل پی جی کی قیمتوں میں بھی معمولی کمی ریکارڈ کی گئی،اس دوران 28 اشیائے ضروریہ کی قیمتوں میں استحکام رہا۔
پاکستان کے مفادات پر کوئی آنچ نہیں آنے دی جائے گی،خالد مسعود سندھو
