سیلاب میں ہونے والے جانی مالی نقصان پر ہمارے دل غم زدہ ہیں ۔ قدرت اللہ

بارشوں اور سیلاب میں ہونے والے جانی مالی نقصان پر ہمارے دل غم زدہ ہیں ۔ بارش اور سیلاب کی تباہ کاریوں سے بچنے کےلئے زیادہ سے زیادہ شجر کاری کی جائے ۔ شجرکاری ایک لازمی اور ہمہ جہت نفع بخش عمل ہے جو نہ صرف زمین کا حسن بڑھاتا ہے بلکہ صدقہ جاریہ کے طور پر انسان کی اخروی نجات، معاشرتی فلاح اور موسمی اعتدال میں بھی کلیدی کردار ادا کرتا ہے ۔ ان خیالات کا اظہار قرآن پبلشرز ایسوسی ایشن آف پاکستان کے صدر قدرت اللہ ، چئیرمین سید احسن محمود شاہ اور سرپرست اعلی حفیظ البرکات شاہ نے کیا ۔ انھوں نے کہا کہ موسم بہار شروع ہونے والا ہے اس موسم میں ہر پاکستانی اپنے حصے کا کم از کم ایک پودا یا درخت ضرور لگائے ۔ یہ اسلام کی تعلیمات کا تقاضا بھی ہے اور ہمارے ملک کی موسمی ضرورت بھی ہے ۔اسلام میں درخت لگانے کی بہت فضیلت ہے ارشاد نبوی ہے جو مسلمان درخت لگاتا ہے یا کھیتی اگاتا ہے اور اس میں سے انسان، پرندہ یا جانور کھاتا ہے، یہ اس کے لیے قیامت تک صدقہ ہے۔ اس سے واضح ہے کہ اسلام شجرکاری کو صرف دنیاوی عمل ہی نہیں بلکہ عبادت سمجھتا ہے۔انھوں نے کہا کہ دینی پہلو کے ساتھ ساتھ شجرکاری موسمی چیلنجز سے نبردآزما ہونے کا مو¿ثر ذریعہ ہے۔ درخت سیلابی پانی کا رخ روکتے، زمین کے کٹاو¿ کو کم کرتے اور فضا میں زہریلی گیسوں کا توازن برقرار رکھتے ہیں۔ درختوں کی تعداد میں اضافہ سے گرمی کی شدت کم ہوتی ہے۔پاکستان میں مون سون کے موسم کو شجرکاری کے لیے نہایت موزوں تصور کیا جاتا ہے۔ہمارا دین صرف شجرکاری کا حکم ہی نہیں دیتا بلکہ درختوں کو کاٹنے اور برباد کرنے سے بھی سختی سے منع کرتا ہے یہاں تک کہ حالتِ جنگ میں بھی درختوں کی حفاظت کا حکم دیا گیا ہے۔ شجرکاری معاشرتی، معاشی اور موسمی فلاح و استحکام کی ضامن ہے۔ پاکستان میں آبادی کے تناسب سے درخت نہ ہونے کے برابر ہیں جس سے ہمارا ملک بدترین قسم کی موسمی تبدیلوں کا شکار ہے ہر سال سیلاب آتے ہیں اب تو پے در پے کلاﺅڈ برسٹ کے واقعات بھی پیش آرہے ہیں جن کے نتیجے میں بڑے پیمانے پر جانی مالی نقصان ہوتا ہے لہذا آئیں ہم سب اپنے اپنے حصے کا ایک پودا لگائیں تاکہ ہمارا ملک موسمی تبدیلیوں کے نقصان سے بچ کر سرسبز وشاداب ہوسکے