قصور(باغی ٹی وی،ڈسٹرکٹ رپورٹرطارق نوید سندھو) قصور کے علاقے گنڈا سنگھ والا میں ایک دل دہلا دینے والا واقعہ پیش آیا جہاں ایک نوجوان لڑکی کو بچانے کی کوشش میں ایک شخص بھی اپنی جان سے ہاتھ دھو بیٹھا۔
گزشتہ روز 22 سالہ عائشہ بی آر بی نہر میں ڈوبنے لگی۔ اسے بچانے کی کوشش میں 40 سالہ عمران نے نہر میں چھلانگ لگا دی، تاہم وہ عائشہ کو نہ بچا سکا اور خود بھی لاپتہ ہو گیا۔
واقعے کی اطلاع ملتے ہی ریسکیو 1122 کی ٹیمیں فوری طور پر موقع پر پہنچ گئیں، لیکن ریسکیو اہلکاروں کے پہنچنے سے قبل مقامی افراد نے لڑکی کی لاش نہر سے نکال لی تھی۔ عمران کا اس وقت تک کوئی سراغ نہیں مل سکا تھا اور اس کی ہلاکت کا خدشہ ظاہر کیا جا رہا تھا۔ آج دوسرے دن تلاش کے بعد نوجوان عمران کی لاش بھی نہر سے نکال لی گئی ہے۔
