کراچی: کے الیکٹرک کو ریڈ لائن بی آر ٹی کی راہ میں حائل یوٹیلیٹیز 15 ستمبر تک ہٹانے کے احکامات جاری کر دیئے گئے
سندھ کے سینئر وزیر شرجیل انعام میمن کی زیر صدارت ریڈ لائن بی آر ٹی منصوبے پر اہم اجلاس ہوا،اجلاس میں سیکریٹری ٹرانسپورٹ اسد ضامن، سی ای او ٹرانس کراچی فواد غفار سومرو، انجینئرز، کنسلٹنٹس اور کے الیکٹرک کے نمائندگان نے شرکت کی،اجلاس میں حکام نے بی آر ٹی منصوبے میں پیش رفت کے حوالے سے تفصیلی بریفنگ دی ،اجلاس میں منصوبے میں حائل رکاوٹوں کے خاتمے کے لئے اقدامات اور کنٹریکٹرز کو درپیش مسائل کا جائزہ لیا گیا،سینئر وزیر شرجیل انعام میمن نے متعلقہ محکموں کو ہدایت کی کہ مسائل کو فوری طور پر حل کیا جائے تاکہ منصوبے پر کام کی رفتار متاثر نہ ہو، ریڈ لائن بی آر ٹی کے راستے میں آنے والی تمام یوٹیلیٹیز کی منتقلی 15 ستمبر 2025 تک مکمل کی جائیں، بی آر ٹی کوریڈور میں 2 اعشاریہ 7 کلومیٹر پر محیط کے فور منصوبے کی پائیپ لائن جلد مکمل کرنے کا حکم دے دیا گیا ،ہدایت کی گئی کہ واٹر بورڈ جلد از جلد کے فور پائپ لائن کا کام مکمل کرے تاکہ کام کی روانی متاثر نہ ہو،ریڈ لائن بی آر ٹی عوام کا ایک اہم منصوبہ ہے مزید تاخیر کے متحمل نہیں ہو سکتے،تمام اسٹیک ہولڈرز آپس میں رابطہ اور تعاون بڑھائیں اور منصوبے پر بلا تعطل کام جاری رکھیں،
