بھارت کے غیرقانونی زیرِقبضہ جموں کشمیر کے ضلع اُودھم پور میں ایک سڑک حادثے میں بھارتی پیراملٹری سینٹرل ریزرو پولیس فورس (سی آر پی ایف) کے 3 اہلکار ہلاک جبکہ 12 شدید زخمی ہو گئے۔
کشمیر میڈیا سروس کے مطابق پیراملٹری کی گاڑی کو حادثہ ضلع اُودھم پور کے علاقے بسنت گڑھ میں کنڈوا کے قریب پیش آیا۔ گاڑی گہری کھائی میں جا گرنے کے سبب تین ہلکار ہلاک ہو گئے ۔ حادثے میں 12 اہلکاروں کے شدید زخمی ہونے کی اطلاعات ہیں۔
دوسری جانب بھارت کے غیر قانونی زیرِقبضہ جموں کشمیر کے ضلع کولگام میں قابض بھارتی فورسز کی طرف سے محاصرے اور تلاشی کی پرتشدد کارروائی آج مسلسل ساتویں روز بھی جاری ہے،کشمیر میڈیا سروس کے مطابق ضلع کولگام میں آکھرن دیوسر کے جنگلاتی علاقے میں تلاشی آپریشن کے دوران ڈرونز کیمروں ، ہیلی کاپٹر اور ایلیٹ کمانڈوز کا استعمال کیا جا رہا ہے۔بھارتی فورسز نے آپریشن کے دوران تاحال ایک نوجوان کو شہید کیا ہے جبکہ 9 بھارتی فوجی بھی شدید زخمی ہوئے ہیں۔آپریشن کے باعث علاقے کے لوگوں کو شدید مشکلات کا سامنا ہے اور وہ گھروں میں محصور ہو کر رہ گئے ہیں۔
