اوچ شریف(باغی ٹی وی،نامہ نگارحبیب خان) اوچ شریف کے نواحی علاقے میں چند روز قبل اپنے والد کے ہمراہ نہر میں چھلانگ لگانے والی 6 سالہ حانیہ بی بی کی لاش ریسکیو ٹیموں نے برآمد کر لی ہے۔ اس افسوسناک واقعے میں والد کی لاش پہلے ہی مل چکی تھی۔
ذرائع کے مطابق مامون آباد کا رہائشی 28 سالہ عمر نے مبینہ طور پر گھریلو جھگڑے سے دلبرداشتہ ہو کر اپنی بیٹی کے ساتھ ابوظہبی نہر میں چھلانگ لگا دی تھی۔ اس واقعے کے بعد سے ریسکیو ٹیمیں دونوں کی تلاش میں مصروف تھیں۔
چند روز قبل، عمر کی لاش ہیڈ قاسم والا کے قریب سے ملی تھی جسے شناخت کے بعد ورثاء کے حوالے کر دیا گیا تھا۔ اب تازہ پیش رفت میں، ریسکیو اہلکاروں نے سرچ آپریشن کے بعد حانیہ کی لاش بھی ہیڈ تلہ جیٹھہ بھٹہ کے قریب سے برآمد کر لی ہے۔ ریسکیو ذرائع کا کہنا ہے کہ لاش ورثاء کے حوالے کر دی گئی ہے۔
