پاکستان میں ہفتہ وار مہنگائی کی شرح میں 0.05 فیصد اضافہ ہو گیا ہے۔
ادارہ شماریات کی جانب سے جاری اعداد و شمار کے مطابق مہنگائی کی سالانہ شرح 1.73 فیصد ریکارڈ کی گئی ہے، گزشتہ ہفتے 12 اشیا مہنگی ہوئیں، 12 اشیاء سستی ہوئیں جبکہ 27 اشیا کی قیمتی مستحکم رہیں، ادارہ شماریات کے مطابق اسلام آباد، راولپنڈی اور لاہور میں چینی 173 روپے کلو تک فروخت ہو رہی ہے۔
اعداد و شمار کے مطابق پیاز 16.53 فیصد، ٹماٹر 10.17، مرغی 4.12 فیصد مہنگی ہوئی، مزید مہنگی ہونے والی اشیاء میں انڈے، دال مسور، چائے، تازہ دودھ، ڈیزل، سگریٹس اور لکڑی شامل ہے، گزشتہ ہفتے جن اشیاء کی قیمتوں میں کمی ہوئی ان میں کیلے، دال مونگ، ماش، آلو، چینی، لہسن، چاول، آٹا، ایل پی جی اور پیٹرول شامل ہیں۔
اپنی سرزمین پر امریکی فوجیوں کوکارروائیوں کی اجازت نہیں دیں گے، میکسیکن صدر
کینیڈا میں خالصتان ایمبیسی قائم
اولپنڈی میڈیکل یونیورسٹی میں ڈی جی آئی ایس پی آر کی طلبہ سے خصوصی نشست
