بارسلونا: سابق وزیراعظم اور چیئرمین سینیٹ پاکستان یوسف رضا گیلانی کے بیٹے اور ممبر قومی اسمبلی سید عبدالقادر گیلانی بارسلونا میں سیرو تفریح کے دوران ایک انتہائی قیمتی گھڑی سے محروم ہو گئے ہیں۔
تفصیلات کے مطابق سید عبدالقادر گیلانی جو اس وقت اسپین کے شہر بارسلونا میں سیاحت کے لیے موجود ہیں، ان سے چوروں نے ایک مہنگی گھڑی چھین لی۔ اطلاعات کے مطابق یہ گھڑی یورپی ملک میں چوری ہوئی، جس کی مالیت تقریباً 56 ہزار یورو بتائی گئی ہے۔ پاکستانی کرنسی میں اس گھڑی کی قیمت ایک کروڑ 85 لاکھ روپے کے قریب ہے۔
یہ واقعہ ایک ایسے وقت پیش آیا جب عبدالقادر گیلانی سیاحتی مقام پر آرام اور تفریح کر رہے تھے۔ پولیس اور متعلقہ حکام واقعہ کی تحقیقات کر رہے ہیں اور چوروں کو جلد از جلد گرفتار کرنے کے لیے اقدامات کیے جا رہے ہیں۔
