چنیوٹ ( باغی ٹی وی، نامہ نگارحسن معاویہ)ڈی جی فوڈ اتھارٹی کی ہدایت پر فوڈ سیفٹی ٹیموں نے سٹی اور گردونواح میں صحت دشمن کاروبار کرنے والوں کے خلاف کریک ڈاؤن کیا۔ اس دوران چھببیس دودھ بردار گاڑیوں سمیت ایک سو چھ فوڈ پوائنٹس کی چیکنگ کی گئی۔
صفائی کے ناقص انتظامات اور حشرات کی موجودگی پر ایک پکوان سنٹر کی پروڈکشن بند کر دی گئی، جبکہ ملازمین کے میڈیکلز نہ ہونے پر بھی کارروائی کی گئی۔
قوانین کی سنگین خلاف ورزیوں پر ترپن ہزار روپے کے جرمانے عائد کیے گئے، ایک کلو ایکسپائر اشیاء اور تین کلو ممنوع چائنیز سالٹ برآمد کر کے تلف کر دیا گیا۔ دودھ کے سیمپل ناقص پائے جانے پر مختلف ملک شاپس کو بھاری جرمانے بھی کیے گئے۔
