میرپورخاص( باغی ٹی وی، نامہ نگار سید شاہزیب) میرپورخاص میں چہلم امام حسین علیہ السلام کے موقع پر ضلع بھر میں عزاداری کے جلوس نکالے گئے۔ دن بھر مختلف علاقوں میں بارگاہ تقی شاہ، سٹلائٹ ٹاؤن اور بھانسگاہ آباد سے ماتمی جلوس برآمد ہوتے رہے۔
چہلم کا مرکزی جلوس غریب آباد سے برآمد ہوا جو اپنے مقررہ راستوں سے گزرتا ہوا عزاخانہ مولوی نوازش علی شاہ، اسٹیشن چوک اور پوسٹ آفس چوک سے ہائی کورٹ روڈ کے سامنے سے گزرا اور درسگاہ مکھن شاہ پر اختتام پذیر ہوا۔
جلوس کے روٹس پر میئر میونسپل کارپوریشن کی ہدایات پر صفائی ستھرائی کے خصوصی انتظامات کیے گئے تھے۔ اس کے ساتھ ہی پولیس اور رینجرز کی بھاری نفری تعینات کی گئی اور سیکیورٹی کے سخت ترین اقدامات کیے گئے تاکہ جلوس پرامن ماحول میں اختتام پذیر ہو سکے۔
