پاکستان مرکزی مسلم لیگ کے زیر اہتمام خیبر پختونخوا کے سیلاب متاثرہ علاقوں بونیر،شانگلہ،باجوڑ سمیت دیگر میں امدادی سرگرمیاں جاری ہیں، مرکزی مسلم کے ترجمان تابش قیوم بھی امدادی سرگرمیوں کا جائزہ لینے کے لیے متاثرہ علاقوں میں پہنچ گئے، بونیر،سوات،باجوڑ میں متاثرین میں پکی پکائی خوراک کی تقسیم کے علاوہ میڈیکل کیمپ بھی لگائے گئے ہیں، متاثرین میں خشک راشن اور بستر بھی تقسیم کئے گئے ہیں
خیبر پختونخوا کے سیلاب متاثرہ علاقوں میں مرکزی صدر خالد مسعود سندھو کی ہدایت پر امدادی سرگرمیوں کا دائرہ وسیع کر دیا گیا ہے،مرکزی مسلم لیگ کے سینکڑوں رضاکار دن رات ریلیف آپریشن میں مصروف عمل ہیں،مرکزی مسلم لیگ کی جانب سے بونیر،سوات،شانگلہ، باجوڑ میں امدادی ٹیمیں کام کررہی ہیں، متاثرہ علاقوں میں پکی پکائی خوراک کی تقسیم کے علاوہ خشک راشن بھی تقسیم کیا جا رہا ہے، خشک راشن میں آٹا،چینی،گھی،دالیں،چاول و دیگر اشیا شامل ہیں،مرکزی مسلم لیگ کے رضاکار ملبے تلے سے سامان نکالنے میں بھی مصروف عمل ہیں،متاثرہ علاقوں میں میڈیکل کیمپ بھی لگائے گئے ہیں جہاں مفت ادویات بھی فراہم کی جا رہی ہیں، موبائل میڈیکل کیمپنگ کے ذریعہ دوردراز علاقوں میں بھی طبی سہولیات فراہم کی جا رہی ہیں،مرکزی مسلم لیگ کی ٹیمیں متاثرہ علاقوں میں گھروں کی تباہی کے حوالہ سے بھی سروے کر رہی ہیں.
مرکزی مسلم لیگ کے ترجمان تابش قیوم بھی سیلاب متاثرہ علاقے بونیر میں پہنچ چکے ہیں،اس موقع پرتابش قیوم کا کہنا تھا کہ سیلاب سے ہونے والی تباہی میڈیا پر محسوس نہیں کی جا سکتی، وقت کا تقاضا ہے کہ قوم مل کر سیلاب متاثرین کی مدد کرے،مرکزی مسلم لیگ نے سیلاب متاثرہ علاقے میں وسیع پیمانے پر ریلیف آپریشن شروع کیا ہے، ہم متاثرین کی خدمت کریں گے، مرکزی مسلم لیگ متاثرین کی بحالی تک امدادی سرگرمیاں جاری رکھے گی،ضرورت اس امر کی ہے پاکستانی قوم خدمت کے جذبے سے آگے بڑھے اور متاثرین کی مدد کرے، یہ سیاست کا وقت نہیں،مشکل کی اس گھڑی میں مرکزی مسلم لیگ متاثرین کو تنہا نہیں چھوڑے گی.
