پاک فوج کا سیالکوٹ، نارووال ،گوجرانوالہ اور ہیڈ خانکی میں ریسکیو آپریشن جاری ہے
پنجاب کے سیلابی علاقوں میں پاک فوج کے دستے ریسکیو اور ریلیف آپریشن میں مصروف عمل ہیں،پاک فوج کے جوان متاثرین سیلاب کو ہیلی کاپٹر اور کشتیوں کے ذریعے محفوظ مقامات پر منتقل کر رہے ہیں،پاک فوج کے دستوں نے گجرانوالہ اور ہیڈ خانکی میں بھی متاترین سیلاب کو محفوظ مقامات پر منتقل کیا،سیالکوٹ اور نارووال میں بھی سیلاب میں گھرے افراد کی محفوظ مقامات پر منتقلی جاری ہے،ریسکیو کئے جانے والے افراد میں بزرگ شہری، بچے اور خواتین بھی شامل ہیں،پاک فوج نے سول انتظامیہ کیساتھ مل کر ریسکیو اینڈ ریلیف کیمپس بھی قائم کئے ہیں،ریلیف کیمپس میں پاک فوج کی جانب سے سیلاب متاثرین کی ضروری طبی امداد کے انتظامات بھی کئے گئے ہیں
متاثرین سیلاب کی جانب سے پاک فوج کے ریسکیو اینڈ ریلیف آپریشن کو سراہا جا رہا ہے،مشکل کی اس گھڑی میں پاک فوج عوام کے شانہ بشانہ کھڑی ہے
