اسلام آباد ہائیکورٹ نے پی ٹی آئی رہنماؤں سینیٹر شبلی فراز اور کنول شوزب کی توہین عدالت کی درخواستیں عدم پیروی پر خارج کر دیں۔
پی ٹی آئی کے دونوں رہنماؤں نے اپنے نام سفری پابندی کی فہرست سے نہ نکالنے پر یہ درخواستیں دائر کی تھیں،تاہم دو بار کیس کال ہونے کے باوجود دونوں رہنماؤں کی جانب سے کوئی وکیل پیش نہ ہوا جس پر جسٹس طارق محمود جہانگیری نے درخواستیں خارج کر دیں۔
واضح رہے کہ دونوں رہنماؤں نے عدالتی حکم پر عمل درآمد نہ ہونے پر توہین عدالت کی درخواستیں دائر کر رکھی تھیں، عدالت نے نام سفری پابندی کی فہرست سے نکالنے کا حکم دیا تھا تا ہم نام نہیں نکالا گیا تھا جس پر دونوں نے توہین عدالت کے درخواست دائر کی تھی آج عدم پیروی کی جانب سے درخواستیں خارج کی گئیں
