وزیراعلیٰ گلگت بلتستان حاجی گلبر خان نے مرکزی مسلم لیگ کے ریلیف کیمپ کا دورہ کیا،مرکزی مسلم لیگ گلگت کے رہنما عبدالرشید ترابی نے وزیراعلیٰ گلگت کا خیر مقدم کیا
وزیراعلیٰ گلگت بلتستان حاجی گلبر خان نے ریلیف کیمپ میں امدادی سرگرمیوں کا جائزہ لیا،مرکزی مسلم لیگ کے رہنماؤں سے ملاقات کی،اس موقع پر وزیراعلیٰ گلگت بلتستان کو ریلیف کیمپ میں مرکزی مسلم لیگ کی امدادی سرگرمیوں پر بریفنگ دی گئی،وزیراعلیٰ گلگت کو بتایا گیا کہ گلگت کے چاروں اضلاع ضلع گانچھے،ضلع سکردو،ضلع شگر،ضلع کھرمنک میں مرکزی مسلم لیگ کی امدادی سرگرمیاں جاری ہیں،گلگت میں مجموعی طور پر 3 ہزار سے زائد خشک راشن تقسیم،بستر،گرم کپڑے،چارپائیاں، مچھر دانیاں بھی تقسیم کی گئیں،بحالی پروگرام کے تحت چھتوں کے لیے شیٹ، کھڑکیاں اور چوکھٹیں بھی متاثرین کو فراہم کی گئی ہیں،مرکزی مسلم لیگ کی جانب سے پانی کے لئے ایک لاکھ 20 ہزار فٹ پائپ کی بھی فراہمی کی گئی ہے،گلگت کے متاثرہ علاقوں میں میڈیکل کیمپوں پر 5400 مریضوں کا علاج معالجہ،مفت ادویات بھی دی گئیں،گلگت کے سیلاب متاثرہ اضلاع میں10 ہزار سے زائد متاثرین میں پکا پکایا کھانا تقسیم کیا گیا،وزیراعلیٰ گلگت بلتستان حاجی گلبر خان نے متاثرین میں خشک راشن، امدادی سامان تقسیم کیا،وزیراعلیٰ گلگت بلتستان حاجی گلبر خان نے مرکزی مسلم لیگ کی امدادی سرگرمیوں کو سراہا
