اوکاڑہ (نامہ نگار ملک ظفر) سماجی کارکن اور حلقہ این اے 136 کے رہنما ملک خالد یعقوب نے حالیہ بارشوں اور سیلاب کے دوران ضلعی انتظامیہ کی مثالی کارکردگی کو سراہا ہے۔
انہوں نے کہا کہ جس طرح سرکار، سیاست دانوں اور عوام نے مل کر ایک دوسرے کا ساتھ دیا ہے، اس کی مثال پنجاب کے دیگر اضلاع میں نہیں ملتی۔
ملک خالد یعقوب نے کہا کہ آفت کی اس گھڑی میں سرکاری مشینری کے ساتھ ساتھ عوام کا جذبہ بھی قابلِ دید تھا۔
انہوں نے خصوصی طور پر اسسٹنٹ کمشنر اوکاڑہ چوہدری ربنواز چدھڑ کی دن رات کی محنت اور کوششوں کو سراہا اور انہیں خراجِ تحسین پیش کرتے ہوئے کہا کہ ان کی قیادت میں پوری ٹیم نے جس لگن اور محنت سے کام کیا وہ واقعی قابلِ تعریف ہے۔
