لالہ موسیٰ(محمدرمضان نوشاہی سے) محلہ رفیق آباد اور صادق آباد میں بارش و سیلابی پانی سے تباہی
تفصیل کے مطابق ک لالہ موسیٰ کے محلہ رفیق آباد اور صادق آباد میں مسلسل بارشوں اور جمع شدہ سیلابی پانی نے شہریوں کی زندگی اجیرن بنا دی ہے۔ گلیاں اور مکانات پانی میں ڈوب گئے ہیں جبکہ گھروں کی بنیادیں کمزور ہونے سے عمارتیں گرنے کا خدشہ بڑھ گیا ہے۔
مقامی رہائشیوں نے بتایا کہ کئی دنوں سے پانی کھڑا ہے جس کے باعث مچھروں کی افزائش میں اضافہ ہو رہا ہے اور موسمی بیماریوں کے پھیلنے کا خطرہ پیدا ہوگیا ہے۔ بچوں، خواتین اور بزرگوں کی صحت بری طرح متاثر ہو رہی ہے۔
اہلِ علاقہ نے ضلعی انتظامیہ اور بلدیاتی اداروں سے اپیل کی ہے کہ فوری نکاسی آب کا انتظام کیا جائے اور متاثرہ مکینوں کو ریلیف فراہم کیا جائے، بصورت دیگر صورتحال مزید سنگین ہوسکتی ہے۔
