اوکاڑہ (نامہ نگار ملک ظفر) ڈپٹی کمشنر احمد عثمان کی ہدایت پر روٹی کی مقررہ نرخوں پر فروخت یقینی بنانے کے لیے چیکنگ کا عمل جاری ہے۔ سب ڈویژنل انفورسمنٹ آفیسر وسیم جاوید نے شہر کے مختلف مقامات پر تندوروں اور ہوٹلوں کا معائنہ کیا۔
چیکنگ کے دوران حکومتی ہدایات کے برخلاف مہنگے داموں روٹی فروخت کرنے والے ایک ہوٹل مالک کو 10 ہزار روپے جرمانہ عائد کیا گیا۔
اس موقع پر سب ڈویژنل انفورسمنٹ آفیسر وسیم جاوید نے کہا کہ حکومت پنجاب کے احکامات کے مطابق کنٹرول ریٹس پر آٹے کی فراہمی جاری ہے، اس لیے روٹی کی اوور چارجنگ کسی صورت برداشت نہیں کی جائے گی۔ انہوں نے واضح کیا کہ مہنگے داموں روٹی فروخت کرنے والوں کے خلاف سخت کارروائی عمل میں لائی جائے گی۔
