پاکستان مرکزی مسلم لیگ کی سیلاب متاثرہ علاقوں میں امدادی سرگرمیاں جاری ہیں، علی پور،جلال پور،سیت پور،ترنڈہ محمد پناہ میں ریسکیو و ریلیف آپریشن میں تیزی، نئی خیمہ بستیاں لگ گئیں، میڈیکل ٹیمیں بھی پہنچ گئیں،لودھراں اوربہاولپور میں مزید دومددگار سکولز کا افتتاح کر دیا گیا،مرکزی مسلم لیگ کی مرکزی و صوبائی قیادت بھی سیلاب متاثرہ علاقوں میں امدادی کاموں کی نگرانی میں مصروف ہے،کشتیوں کے ذریعے متاثرین کو ریسکیو کرنے کے علاوہ کھانا بھی پہنچایا جا رہا ہے،مسلم ویمن لیگ بھی سیلاب متاثرہ علاقوں میں متحرک ہے
پاکستان مرکزی مسلم لیگ کے صدر خالد مسعود سندھو کی ہدایت پرسیلاب متاثرہ اضلاع میں امدادی سرگرمیاں جاری ہیں، جلال پور پیر والا، سیت پور اور علی پور میں مرکزی مسلم لیگ کے دیگر اضلاع سے بھی رضاکار پہنچ گئے ،مرکزی مسلم لیگ کے مرکزی سیکرٹری جنرل سیف اللہ قصوری، جوائنٹ سیکرٹری قاری محمد یعقوب شیخ، صدر پنجاب محمد سرور چوہدری نے علی پور،ترنڈہ محمد پناہ، جلال پور کا دورہ کیا اور رضاکاروں سمیت سیلاب متاثرین سے ملاقات کی،مرکزی مسلم لیگ کے جنرل سیکرٹری پروفیسر سیف اللہ خالد نے بیٹ اڈا ظاہر پیر کا دورہ کیا اور سیلابی صورتحال کے ساتھ ساتھ فلاحی سرگرمیوں کا جائزہ لیا۔ اس موقع پر مرکزی مسلم لیگ کے جوائنٹ سیکرٹری قاری محمد یعقوب شیخ، پنجاب کے صدر چوہدری سرور، جنوبی پنجاب کے صدر عمران لیاقت بھٹی، گوجرانوالہ ڈویژن کے صدر فیاض احمد شیخ، سیالکوٹ کے سیکرٹری جنرل انجینئر اعجاز نصر، رحیم یار خان کے سیکرٹری جنرل نوید قمر سمیت دیگر رہنما بھی ان کے ہمراہ تھے۔ علی پور میں مرکزی مسلم لیگ لاہور،شیخوپورہ،منڈی بہاؤالدین، وزیر آباد،اسلام آباد کی ٹیمیں ریسکیو ر ریلیف کے کاموں میں متحرک ہیں،ترنڈہ محمد پناہ میں سیالکوٹ، جلال پور میں کراچی، فیصل آباد ،لاہور،بہاولپور میں راولپنڈی اور گوجرانوالہ کی امدادی ٹیمیں کام کر رہی ہیں، مرکزی مسلم لیگ کے جوائنٹ سیکرٹری قاری محمد یعقوب شیخ ،صدر پاکستان مرکزی مسلم لیگ گوجرانوالہ ڈویژن فیاض احمد شیخ نے سیکرٹری جنرل مرکزی مسلم لیگ سیالکوٹ انجینیر اعجاز نصر کے ہمراہ بیٹ اڈا ظاہر پیر پر سیلاب متاثرین کے لیے مرکزی مسلم لیگ سیالکوٹ کی جانب سے قائم خیمہ بستی کا دورہ کیا۔رہنماؤں نے متاثرین میں کھانا تقسیم کیا جبکہ ننھے بچوں کو گفٹ پیک بھی فراہم کیے۔ بہاولنگر میں مرکزی مسلم لیگ نے ماڈل الکریم خیمہ بستی قائم کر دی ،خیمہ بستی میں مسجد بھی بنائی گئی ہے جبکہ بچوں کے لیے مددگار اسکول کے ساتھ ساتھ پلے لینڈ جھولے بھی لگائے گئے ہیں، خیمہ بستی میں متاثرہ خاندانوں کو کھانا، طبی سہولیات، راشن، سلنڈر چولہے اور دیگر ضروری اشیاء فراہم کی گئی ہیں،خیمہ بستی کی افتتاحی تقریب میں اسسٹنٹ کمشنر بہاول نگر میاں ندیم ارشد، صدر انجمن آڑھتیاں غلہ منڈی ملک عابد محمود خلجی ، مرکزی مسلم ضلع بہاولنگر کے سیکرٹری جنرل حافظ امیر حمزہ رافع و دیگر نے شرکت کی،مرکزی مسلم لیگ راولپنڈی کی جانب سے بہاولپور میں قائم خیمہ بستی کا دورہ اسلام آباد زون کے صدر احسان اللہ منصور نے کیا، جہاں سینکڑوں افراد کے لیے روزانہ کھانا، ادویات، جانوروں کی خوراک، اور مکمل دیکھ بھال کی جا رہی ہے۔ مرکزی مسلم لیگ اسلام آباد کے صدر انعام الرحمٰن کمبوہ نے بہاولپور خیمہ بستی کے دورہ کیا اس موقع پر ان کا کہنا تھا کہ مرکزی مسلم لیگ صرف ریسکیو تک محدود نہیں، بلکہ گھروں کی تعمیر اور مکمل بحالی تک متاثرین کی کفالت کرے گی،صدر شعبہ خدمتِ خلق اسلام آباد چوہدری عبدالبصیر کی قیادت میں سیت پور اور جلالپور پیروالا میں راشن، خیمے، پکا پکایا کھانا، طبی سہولیات اور بچوں کے لیے تعلیمی اقدامات جاری ہیں۔ جلالپور پیروالا، سیت پور، علی پور، جلال پور، شجاع آباد میں مرکزی مسلم لیگ کی ریسکیو ٹیموں نے انسانی جانوں کے ساتھ ساتھ پانی میں پھنسے جانوروں کو بھی محفوظ مقام پر منتقل کیا،۔ مرکزی مسلم لیگ ملتان،اسلام آباد،فیصل آباد،لاہور سمیت دیگر اضلاع کے کارکنان متاثرہ علاقوں میں ریسکیو و ریلیف کے کاموں میں مصروف ہیں، مرکزی مسلم لیگ اوکاڑہ کے سیکریٹری جنرل انجینئر محمد عمران نے اٹاری منڈی احمد آباد میں قائم خیمہ بستی میں واٹر پمپ کا افتتاح کیا، شعبہ خدمتِ خلق سرگودھا کی جانب سے لیاقت پور (ضلع رحیم یار خان) میں بڑے پیمانے پر دسترخوان اور میڈیکل کیمپ کا انعقاد کیا گیا ،چنیوٹ اور گوجرانوالہ کی ٹیموں کی طرف سے مسلسل خشک راشن کی تقسیم جاری ہے،قلعہ دیدار سنگھ میں خیمہ بستیوں اور متاثرین میں راشن پہنچایا گیا۔مسلم وومین لیگ کی جانب سے خواتین و بچوں کے لیے امدادی کیمپ قائم کیا گیا، مسلم سٹوڈنٹس لیگ کی مددگار ٹیم نے لودھراں میں مددگار اسکول کا افتتاح کیا، تاکہ متاثرہ بچوں کی تعلیمی سرگرمیاں جاری رہیں۔پاکپتن میں منچن آباد پل دریائے ستلج پر ماہی والی بستی میں 60 مستحق خاندانوں کو خشک راشن فراہم کیا گیا، دیگر اضلاع میں بھی امدادی سرگرمیاں جاری ہیں
