سیالکوٹ (باغی ٹی وی ڈسٹرکٹ رپورٹر مدثر رتو)تھانہ سمبڑیال کے علاقہ محلہ راجپوتاں میں خاتون پر بدترین تشدد کا معاملہ سامنے آیا ہے۔ پولیس کے مطابق ملزم سبحان ولد ظہیر کے خلاف مقدمہ نمبر 2272/25 بجرم 354/506/451 تعزیراتِ پاکستان درج کیا گیا تھا، جس میں ملزم نے عبوری ضمانت حاصل کر رکھی تھی۔
بعد ازاں مدعیہ کے خاوند کی درخواست پر صلح کے لیے دباؤ ڈالنے اور دھمکیاں دینے پر ملزم کے خلاف ایک اور مقدمہ نمبر 2303/25 بجرم 506(2) درج کیا گیا۔ پولیس نے ملزم کو گرفتار کر کے جوڈیشل حوالات بھیج دیا جبکہ مقدمے کا چالان عدالت میں پیش کر دیا گیا ہے۔
ڈی پی او سیالکوٹ فیصل نے کہا ہے کہ خواتین پر تشدد جیسے بزدلانہ فعل کے مرتکب افراد کسی رعایت کے مستحق نہیں ہیں۔ ان کا کہنا تھا کہ پولیس زیرو ٹالرنس پالیسی پر عمل پیرا ہے اور وزیراعلیٰ پنجاب کے ویژن کے مطابق خواتین کا تحفظ اولین ترجیح ہے۔
