پاکستان سمیت 16 ممالک نے غزہ کے محصور عوام کے لیے امداد لے جانے والی کشتیوں کے قافلے گلوبل صمود فلوٹیلا کی سیکیورٹی پر اظہارِ تشویش کیا ہے۔
وزرائے خارجہ کے مشترکہ بیان میں کہا گیا کہ فلوٹیلا کا مقصد غزہ کو انسانی امداد پہنچانا ہے، اس کے خلاف کسی بھی غیر قانونی یا پرتشدد اقدام سے گریز کیا جائے۔یہ بیان پاکستان کے علاوہ بنگلہ دیش، برازیل، کولمبیا، انڈونیشیا، آئرلینڈ، لیبیا، ملائشیا، مالدیپ، میکسیکو، عمان، قطر، سلووینیا، جنوبی افریقہ، اسپین اور ترکیہ کے وزرائے خارجہ نے جاری کیا۔مشترکہ بیان میں کہا گیا کہ فلوٹیلا فلسطینی عوام کی فوری انسانی ضروریات کو اجاگر کر رہا ہے، اور شرکاء کے خلاف کسی انسانی حقوق کی خلاف ورزی پر احتساب ہوگا۔
بیان میں مزید کہا گیا کہ غزہ میں جنگ بندی ناگزیر ہے، امن، انسانی امداد اور عالمی قوانین کا احترام تمام ممالک کا مشترکہ مقصد ہے۔وزرائے خارجہ نے زور دیا کہ بین الاقوامی اور انسانی قوانین کی پاسداری ضروری ہے، بین الاقوامی پانیوں میں جہازوں پر حملہ یا غیر قانونی حراست احتساب کے زمرے میں آئے گی۔
امریکی ناظم الامور کا قصور کے سیلاب متاثرہ علاقوں کا دورہ
بانی پی ٹی آئی سے جیل میں سوشل میڈیا اکاؤنٹس پر تفتیش
