بجلی صارفین کے لیے بری خبر، اگست 2025 کی ماہانہ ایڈجسٹمنٹ کی مد میں بجلی 19 پیسے فی یونٹ مہنگی کرنے کی درخواست نیشنل الیکٹرک پاور ریگولیٹری اتھارٹی (نیپرا) میں جمع کرا دی گئی۔
سی پی پی اے نے یہ درخواست دائر کی ہے، جس پر نیپرا نے 29 ستمبر کو سماعت کرنے کا فیصلہ کیا ہے۔ذرائع کے مطابق حکومتی پالیسی گائیڈ لائنز کے تحت ماہانہ ایڈجسٹمنٹ کا اطلاق کے الیکٹرک صارفین پر بھی ہوگا، اور امکان ہے کہ اکتوبر کے بلوں میں اگست کی ایڈجسٹمنٹ شامل کی جائے گی۔گزشتہ ہفتے نیپرا نے کے الیکٹرک کے لیے جون اور جولائی کی ماہانہ ایڈجسٹمنٹس کا نوٹیفکیشن جاری کیا تھا۔
اس وقت کے الیکٹرک صارفین کو ان دو ماہ کی ایڈجسٹمنٹس میں 2 روپے 57 پیسے فی یونٹ کمی کا ریلیف دیا جا رہا ہے۔باقی صارفین کے لیے جولائی کی ایڈجسٹمنٹ میں 1 روپے 79 پیسے فی یونٹ کمی کی گئی تھی، جس کا ریلیف رواں ماہ کے بلوں میں مل رہا ہے۔
صائم ایوب صفر پر آؤٹ، شاہد آفریدی کا ریکارڈ برابر
کشمیری حریت رہنما پروفیسر عبدالغنی بھٹ مرحوم کی زندگی پر ایک نظر
چیئرمین پی ٹی اے کی برطرفی کے خلاف اپیل، کل سماعت ہوگی
دورہ چین، صدر زرداری کا اُرومچی پہنچنے پر شاندار استقبال
