گھوٹکی (نامہ نگار،مشتاق علی لغاری) گھوٹکی میں چاچڑ برادری نے اپنے مقتول نوجوانوں کے قاتلوں کی گرفتاری اور انصاف کے حصول کے لیے قومی شاہراہ پر دھرنا دیا۔ دھرنے کی وجہ سے ٹریفک مکمل طور پر رک گئی اور مسافروں کو شدید پریشانی کا سامنا کرنا پڑا۔
مظاہرین نے اس واقعے پر شدید غم و غصے کا اظہار کیا اور قاتلوں کی فوری گرفتاری کا مطالبہ کیا۔ انہوں نے کہا کہ اگر ان کے مطالبات پورے نہ ہوئے تو احتجاج کو مزید وسعت دی جائے گی۔
پولیس کے اعلیٰ حکام کی جانب سے قاتلوں کی جلد گرفتاری کی یقین دہانی کے بعد مظاہرین پرامن طور پر منتشر ہوگئے اور قومی شاہراہ پر ٹریفک کی روانی بحال ہوئی۔
