حماس نے کہا ہے کہ غزہ شہر میں اسرائیلی حملوں کے بعد 2 یرغمالیوں سے رابطہ منقطع ہو گیا ہے۔
غیر ملکی خبر ایجنسی کے مطابق حماس کے عسکری ونگ القسام بریگیڈ نے مطالبہ کیا ہے کہ اسرائیلی فضائی حملے شام 6 بجے سے 24 گھنٹوں کے لیے روکے جائیں تاکہ یرغمالیوں کو محفوظ مقام پر منتقل کیا جا سکے۔القسام بریگیڈ کے مطابق اسرائیلی فوج شمالی غزہ میں حملے بند کرے تاکہ یرغمالیوں کو خطرے سے نکالا جا سکے۔دوسری جانب اسرائیلی فوج کے وحشیانہ حملے جاری ہیں۔ فوج کا کہنا ہے کہ گزشتہ 24 گھنٹوں میں غزہ کے 140 مقامات کو نشانہ بنایا گیا ہے۔
عرب میڈیا کے مطابق اسرائیلی ٹینک غزہ شہر کی گنجان آبادی میں داخل ہو گئے ہیں اور آج صبح سے جاری بمباری کے نتیجے میں مزید 40 فلسطینی شہید ہو چکے ہیں۔عرب میڈیا کے مطابق 7 اکتوبر 2023ء سے اب تک اسرائیلی حملوں میں شہید ہونے والوں کی تعداد 66 ہزار سے تجاوز کر گئی ہے۔
لندن میں خطاب: وزیراعظم شہباز شریف نے کرکٹ کی مثال دے دی
کل وائٹ ہاؤس میں ٹرمپ اور نیتن یاہو کی ملاقات ہوگی
روس کے خلاف جنگ: اسرائیل نے یوکرین کو خطرناک ہتھیار بھیج دیا
