گھوٹکی ( باغی ٹی وی،نامہ نگار مشتاق علی لغاری)پولیس کی اشتہاری و جرائم پیشہ عناصر کے خلاف کارروائیاں تیز، روپوش ملزم گرفتار
تفصیل کے مطابق ڈی پی او گھوٹکی محمد انور کھیتران کی ہدایت پر ضلع بھر میں روپوش، اشتہاری اور دیگر جرائم پیشہ عناصر کے خلاف پولیس کی کارروائیاں تیز کردی گئی ہیں۔
ایس ایچ او تھانہ میرپور ماتھیلو عمران علی کورائی بمعہ پولیس اسٹاف نے دورانِ گشت خفیہ اطلاع پر کارروائی کرتے ہوئے کرائم نمبر 123/2025، دفعہ 324، 147، 148، 149 تعزیراتِ پاکستان کے مقدمے میں مطلوب روپوش ملزم محمد حنیف ولد محمد شریف حیدرانی سکنہ گاؤں پیر بخش حیدرانی کو گرفتار کرلیا۔
پولیس ذرائع کے مطابق گرفتار ملزم کو مزید تفتیش کے لیے حوالات میں منتقل کر دیا گیا ہے، جبکہ علاقے میں دیگر اشتہاریوں کی گرفتاری کے لیے چھاپے جاری ہیں۔
