پاکستان مرکزی مسلم لیگ نے 2 نومبر کو مینار پاکستان پر ورکرز کنونشن کا اعلان کر دیا،اس امر کا فیصلہ پارٹی کے صدر خالد مسعود سندھو کی زیر صدارت اجلاس میں کیا گیا،مینار پاکستان ورکرزکنونشن میں لاکھوں کارکنان شریک ہوں گے،خدمت کی سیاست کا عزم لئے مرکزی مسلم لیگ کی قیادت مینار پاکستان کے سائے تلے اہم اعلان کرے گی،امن منصوبے پر حماس کی آمادگی غزہ کے مظلومین کی مصیبتوں میں کمی کا باعث بنے گی ،بحالی سے خوشحالی تک کا سفر جاری رہے گا،خدمت کی سیاست منشور،اسی عزم کو مینار پاکستان پر دوہرایا جائے گا،
پاکستان مرکزی مسلم لیگ کا اجلاس مرکزی صدر خالد مسعود سندھو کی زیر صدارت مرکزی سیکرٹریٹ میں ہوا،اجلاس میں سیکرٹری جنرل سیف اللہ قصوری،نائب صدر حافظ طلحہ سعید، جوائنٹ سیکرٹری قاری محمد یعقوب شیخ،ڈپٹی سیکرٹری جنرل حافظ خالد نیک،انجینئر حارث ڈار،چیئرمین خدمت خلق شفیق الرحمان وڑائچ،صدر سندھ فیصل ندیم، صدر پنجاب محمد سرور چوہدری،صدر جنوبی پنجاب عمران لیاقت بھٹی، صدر خیبر پختونخوا عارف اللہ خٹک،مرکزی ترجمان تابش قیوم و ضلعی دیگر نے شرکت کی،اجلاس میں ملک بھر میں سیلابی صورتحال کے دوران ریسکیو و ریلیف آپریشن کا جائزہ لیا گیا،بحالی سے خوشحالی تک کے سفر پر تجاویز پیش کی گئیں، غزہ امن معاہدہ بھی اجلاس میں زیر غور آیا،اجلاس میں وطن عزیز کے دفاع کے لئے دہشت گردوں سے مقابلہ کر کے جام شہادت نوش کرنے والے سیکورٹی اہلکاروں کو بھی خراج تحسین پیش کیا گیا.
مرکزی مسلم لیگ کے اجلاس میں ملک بھر میں سیلاب کے دوران ریسکیو و ریلیف آپریشن اور متاثرین کی خدمت پر پر رضاکاروں کو خراج تحسین پیش کیا گیا،اجلاس میں فیصلہ کیا گیا کہ ریسکیو و ریلیف آپریشن کرنے والے رضاکاروں کی حوصلہ افزائی کے لئے انہیں انعامات سے نواز ا جائے گا،اجلاس کے دوران بحالی سے خوشحالی تک کے مرحلے کا جائزہ لیا گیا،فیصلہ کیا گیا کہ خیبر پختونخوا ،پنجاب کے اضلاع میں سیلاب متاثرین کے جو مکانات تباہ ہوئے،سروے کرنے کے بعدانکوتعمیر و مرمت کی جائے گی، کسان کی بحالی کے لئے بھر پور مہم چلا کر ہر علاقے میں کسانوں کی ایکشن کمیٹی بنائی جائے گی،کسانوں کے نقصانات مرکزی مسلم لیگ اپنی مددآپ کے تحت دستیاب وسائل سے پورے کرنے کی کوشش کرے گی،علاوہ ازیں حکومت سے بھی کسانوں کے نقصانات کی تلافی کے لئےجدوجہد کی جائے گی.
اجلاس میں فیصلہ کیا گیا کہ 2 نومبر کو مینار پاکستان گراؤنڈ لاہور میں عظیم الشان ورکرز کنونشن کا انعقاد کیا جائے گا جس میں ملک بھر سے لاکھوں کارکنان ،ریسکیو ریلیف ورکرز،رضاکار شریک ہوں گے، اجلاس کے دوران صدر خالد مسعود سندھو کا کہنا تھا کہ مرکزی مسلم لیگ خدمت کی سیاست کا منشور لے کر میدان میں آئی، اس منشور و نظریئے کے ساتھ رکن سازی مہم کے دوران لاکھوں افراد پارٹی میں شامل ہوئے،اور انہوں نے پاکستان میں بھر پور طریقے سے نہ صرف اتحاد و یکجہتی کاکام کیا بلکہ بھارت کے ساتھ جنگ کے دوران قوم کے حوصلے بھی بلند کئے،سیلاب آیا تو ہمارے یہی رضاکار خدمت کا جذبہ لئے ملک بھر میں کام کر رہے ہیں،مینار پاکستان ورکرز کنونشن کا مقصد خدمت کی سیاست کو فروغ دینا اور کارکنان کی خدمت کو خراج تحسین پیش کرنا ہے،ملکی مسائل کے حل ،سیاسی تقسیم ،دہشتگردی کے خاتمے کے لئے نیشنل ڈائیلاگ کی ضرورت ہے،مرکزی مسلم لیگ کے کارکنان نے ہر صوبے میں جا کر خدمت کا کام کیا،پنجاب ،سندھ، بلوچستان سے کارکنان خیبر پختونخوا گئے اور پھر باقی صوبوں سے پنجاب کے سیلاب متاثرہ اضلاع میں کام کیا،یہ باہمی اخوت،نظریہ پاکستان کی بنیاد پر وحدت کا عملی نمونہ ہے، مرکزی مسلم لیگ پورے پاکستان کو نظریہ پاکستان کی بنیاد پر متحد کرے گی،ہم نفرت و انتشار کی سیاست ،تشدد،فرقہ واریت،لسانیت و عصبیت کا خاتمہ کریں گے،بڑھتی ہوئی سیاسی تقسیم،نفرتوں کے خاتمے کے لئے مرکزی مسلم لیگ کردار ادا کرتی رہے گی
اجلاس کے دوران غزہ پر اسرائیلی جارحیت کی مذمت کی گئی،امریکی امن معاہدے اور غزہ کی صورتحال پرتفصیلی جائزہ لیا گیا،اجلاس میں کہا گیا کہ امن معاہدے کی کامیابی کیلئے عالمی برادریاسرائیلی جارحیت فوری بند کروائے ،یہ بھی ضروری ہے کہ ایک فریق کے طور پر حماس کی تجاویز کو معاہدہ کی شقوں میں شامل کیا جائے، حماس نے غزہ پر فلسطینی اتھارٹی کا کنٹرول قبول کرکے معاہدہ کی کامیابی کیلئے اپنا کردار مکمل طور پر ادا کردیا ہے اب امریکہ اور دوسری عالمی طاقتوں کی باری ہے کہ وہ اپنے وعدوں کا پاس کرتے ہوئے اسرائیل کو اپنی حد میں رہنا سکھائیں ایک بات واضح ہے کہ غزہ کل بھی فلسطین تھا اور تاقیامت فلسطین رہے گا ،حماس دہشت گرد نہیں بلکہ فلسطینی عوام کی نمائندہ جماعت ہے، پاکستان اپنے مؤقف سے پیچھے ہٹا ہے نہ ہٹنے دیں گے، بانی پاکستان کے مطابق اسرائیل ناجائز ریاست ہے، مرکزی مسلم لیگ اہل فلسطین کے ساتھ کھڑی ہے
