امریکی صدر ڈونلڈ ٹرمپ نے شکاگو کے میئر برینڈن جانسن اور ریاست الی نوائے کے گورنر جے بی پرٹزکر کی گرفتاری کا مطالبہ کر دیا، جبکہ ان کی انتظامیہ نے شکاگو میں فوجی دستے تعینات کر دیئے ہیں۔
برطانوی خبر رساں ادارے کے مطابق صدر ٹرمپ نے الزام عائد کیا ہے کہ شکاگو کے میئر اور الی نوائے کے گورنر وفاقی امیگریشن افسران (ICE) کی حفاظت کرنے میں ناکام رہے ہیں، تاہم انہوں نے اس الزام کے حق میں کوئی ثبوت پیش نہیں کیا۔دونوں رہنما ڈیموکریٹ پارٹی سے تعلق رکھتے ہیں اور ٹرمپ کی امیگریشن پالیسیوں کے سخت ناقدین سمجھے جاتے ہیں۔ٹرمپ نے اپنے سوشل میڈیا پلیٹ فارم پر لکھا کہ شکاگو کے میئر کو آئس افسران کے تحفظ میں ناکامی پر جیل جانا چاہیے! گورنر پربھی!“
یہ تنازع اس وقت شدت اختیار کر گیا جب میئر برینڈن جانسن نے ایک ایگزیکٹو آرڈر کے ذریعے شکاگو کو ”آئس فری زون“ قرار دے دیا۔ اس اقدام کے تحت وفاقی امیگریشن اہلکاروں کو شہر کی سرکاری املاک استعمال کرنے سے روک دیا گیا ہے۔میئر جانسن نے ٹرمپ کے بیان پر سخت ردعمل دیتے ہوئے کہا یہ پہلا موقع نہیں جب ٹرمپ نے ایک سیاہ فام شخص کو ناجائز طور پر گرفتار کرانے کی کوشش کی ہو۔ میں کہیں نہیں جا رہا۔سیاسی مبصرین کے مطابق یہ صورتحال وفاقی اور مقامی حکومت کے درمیان تعلقات کو مزید کشیدہ کر سکتی ہے۔
سندھ پولیس کا بھتہ خوری کے بڑھتے واقعات پر ردعمل، تاجروں کو مکمل تحفظ کی یقین دہانی
